لاتكونين سنعه كوني رفلا تربحين .عنود فهد🚫

السنعة نفعها لنفسها قبل نفعها للغير
من حيث الطبخ الزين ونظافة بيتها الي تسر به نفسها وترتاح به..
ولا تنسى نفسها من النظافة والأناقة هذي هي السنعة الي تجمع بين الإثنين بيتها ونفسها وتعجب كل من عرفها بل يحترمونها ويقدرونها

... احيانا تكون
البيوت مرة نظيفة ..
بس قلوب ساكتيها ممكن اوسخ من القمامة.

إذا أرضت الوحده ربها ثم نفسها بيرضون عليها الناس.
لكن تجلس حياتها بس عشان ترضي الناس هذي بيجي الوقت الي بتكشف فيه إن محد رضا عنها.

☺️☺️

الي قلتيه غير الي أنا تكلمت عنه
وكله جميل إلا عبارتك الأخيره
من قالك إن دينا يقول عادي الوحده تنهان وتسكت؟
من قالك إن خنوع الوحده وتمرير الإساءة الي تتعرضلها من الدين؟

قال صلى الله عليه وسلم
المُتَسَابَّانِ ما قالا فَعَلى البَادِي منهما حتى يَعْتَدِي المَظْلُوم».
تدرين وش معناة الحديث؟
يعني إذا وحده أهانتك وسبتك شرعًا تردين عليها بنفس ماقالته لك والذنب عليها هي وحدها بشرط ماتزيدين على سبها لك.

قال الله تعالى: ولمن انتصر بعد ظلمه فأولئك ما عليهم من سبيل

فمن اعتدى عليكم فاعتدوا عليه بمثل ما اعتدى عليكم

وَالَّذِينَ إِذَا أَصَابَهُمُ الْبَغْيُ هُمْ يَنتَصِرُونَ

وجزاء سيئة سيئة مثلها

هذي كلها آيات تجيز للواحد يذب عن نفسه إذا إنسب وإنهان أو انضرب!

عمر الدين ماكان دين ضعف وإساءه..الله كرم الإنسان وماجعل لحمه وعرضه وكرامته مباحه للغير.

والي تسكت عن إهانتها مره ومرتين وثلاث..والله ليجي اليوم الي تحس فيه انها بمثابة البهايم لأن محد بيراعي شعورها ولا إحساسها.


الي تخدم زوجها واولادها وبيتها وضيوفها جزاها الله خير وهذا من كرمها وطيب أخلاقها ولا عيبت عليها .
العيب على الصوره الي ذكرتها والي موجوده في حياتنا ونشوفها دايم