لاتكونين سنعه كوني رفلا تربحين .عنود فهد🚫

ملعوب عليهم
نماذج تحزن والله العظيم
معلمه صرافتها في جيب زوجها ماتدري كم في رصيدها حتى.
لبسها لبس وحده في حداد
عبايتها تسحب وراها
تدخل علينا مغبره
وربي حتى كحل ماتحط
شغاله مافيه
تكرف في البيت وفي المدرسه
حتى إذا تكلمت تحسينها خايفه
زوجها مانعها من كل شي بحجة الدين
وفهمها إن هذي الحياه وهذي السناعه.

مسوي نفسه داعيه
يروح كل فتره لوحده من ذا الدول هو ومجموعه في رحلة دعوه
وفي رحله لتركيا تزوج تركيه
وجابها ودس عليها ..الكل يدري إلا هي
بعد فتره عرفت وحزنت لدرجة المرض

هذا وش نسميه؟؟؟؟
ماملت عينه السنعه براتبها وبكرفها
وبخدمتها له وببخلها على نفسها
عشان توفرله يبني ويشتري ويأمن
حياتهم^حسب كلامه لها^

كلامي عن نموذج محدد وليس عن كل النماذج.
النموذج الي تحسينه مهزوم مكروف مغصوب وحتى لو حاولت تتخلص مابتقدر فتستسلم لوضعها المأساوي.

الي تحب بيتها ونفسها وأولادها وزوجها حتى لو عندها شغالات بتلقينها ملمه بكل شي وتسوي وتشتغل وتساعد وتشيل وتحط من باب أنا أرغب.. أنا أحب.

في بعض الحالات مهي مسألة حريه إختياريه للأسف

حذفنا عشان محد يقرأ
كيف تبينا نقول
لو بنقول ماحذفنا😂😂😂😂

اي بالله صحيح

انا اشوف انه مافي وحده بالفعل تحب تكون الزوجه المضحوك عليها او ملطشه ومداس لزوجها تحت أي مبرر
لكن بالحياه كل شخص فينا له تجربته الخاصه فيه وظروف معينه مر فيها شكلت شخصيته وعقليته وطريقة تفكيره وتعامله مع المواقف
والزوجه اللي تبتلى بزوج يتعامل معاها كأنه يستعبدها ويلغي كيانها ووجودها وتصير مجرد تابعه مطيعه له حتى لو هي منهاره ومن داخلها رافضه هذا الشي في الحقيقه هي جالسه تمر بإمتحان ودرس مطلوب منها تفهمه وتصحح هذا الخلل اللي بداخلها لان المشكله فيها وهي اللي لازم تتعلم كيف ومتى تقول لا وما تسكت وما تخضع
رب العالمين يحط بطريقها هذي الظروف عشان تنضج وتطور شخصيتها وطريقتها بالتعامل مع الظروف والاشخاص
وللاسف في زوجات مثل ماذكرتي في احد تعليقاتك تعطيه فلوسها وتطلع له قرض وتتحمل اقساط سياره وممكن حتى تساعد في بناء بيت وهي فرحانه تحسب انها كذا تسوي الصح لانها مسكينه من كثر ماهي عايشه بجفاف وفراغ عاطفي بلا وعي ولا شعور منها تعطي بسخاء عشان تلاقي من زوجها مشاعر الرضى وانه مبسوط منها هذي المشاعر عندها بالدنيا ومافيها وللاسف نهايتها تكون مره قويه صدمه عنيفه يوم يجيها وبيده زوجه ثانيه يعيشها في البيت اللي جابته بفلوسها والسياره اللي تدفع فلوسها و ... الخ
هذول الناس كم ربي اعطاهم فرص عشان يصححون الخلل بشخصياتهم لكن ما يقدرون الى ان يزيد عليهم العيار حبتين بصدمه قويه تجبرهم يتعلمون الدرس
ادري ممكن كلامي شوي فلسفه بس هذا الشي اللي تعلمته من كم سنه واشوفه واقع
احنا جينا للدنيا صحيح عشان نعبد الله لكن في جانب ثاني اننا نخوض تجارب تطورنا وتوصلنا لمراحل نضج ووعي افضل من اللي كنا عليه