تجاربكم مع امهات ازواجكم ... حياكم الله

اهلا وسهلا اخت قلوب منسيه .. نورتيني
ورد جميل..المشكله الاغلب مايدري وش زواج وطايره بالعجه .. وبعضهم سمعتهم كمن كثر ماهي تبي تتزوج ماتبي تتشرط علشان العريس لا يطير وتاكلها بعدين لما تعيش الواقع..المفروض ياخذون دورات للزواج اجباريه مع فحص الزواج تكون في شهاده دورة حياه زوجيه ..

اما من ناحيه الام اللي تتشرط كثير تقول ابيك ومابي امك حتى لو كانت تعيش لحالها وتكون الام ماطلبت تعيش معاه مثلا ..بس هي تحس انه كله حقها خلاص مو الربع ..

اشكر مشاركتك
دمتي بود

هلا ومرحبا ام اليتيم

نورتي حياك الله ..
هو كل وحده وحسب وبالعقل الواحد يعرف يتصرف .. وصح لازم الاستقلال لكن لو جا واحد ماعنده غير امه مثلا وماعندها احد لا بيت ولا بيت اهل ولا له اخوان وشايلها كيف الطريقه مثلا .. هو شرطه امه معه وهي العكس !!

والله ياام اليتيم اني اسمع سوالف تشيب الراس من هالنوع ..

عموما اشكر تواجدك
دمتي بود

ياهلا والله اخت مريم

ماشالله عليك جميل جدا ردك ويعني انك انسانه متزنه نفسيا الله يبارك لك ..

اسعدني تواجدك
دمتي بود

اعاني من تدخل امه في حياتنا. رغم توفر لها مسكن بنفس مدينتي ولديها خدم وسائق ولديها ابناء وبنات ومع ذلك تسكن عندي بالاشهر تصل الى سنه . بعد ما تنهار نفسيتي اذهب لاهلي واشترط ان لا تعود . ولكن للاسف بعد عودتني لمنزلي تأتي وتسكن عندي. الام قوية وتغار وتتتدخل في اموري الخاصه وتزعل اذا طلعنا انا وزوجي نتمشى . الله يفرجها . بعض الامهات يرون ان زوجة الابن ليس لها حق بالمسكن المستقل وان البيت بيت ولدها وهذا غير صحيح . البيت تأسس بعد زواج الابن من بنت الناس وبعد موافقته على شرط عقد الزواج وهو البيت المستقل. في هالزمن الخير واجد الحمدالله لذلك لاداعي للام ان تنتقل وتسكن بيت زوجة الابن. بيتها متوفر كل ماتحتاجة.

انا عندي قناعة ان الحياة غير كاملة
اللي ام زوجها طيبة
خوات زوجها 🐍
واللي اهل زوجها طيبين معها سلفة 🐍
واللي اهل زوجها وسلفاتها طيبين يصير زوجها طبعه غثيث
واحيانا تكتمل كل العايلة والزوج
وتلاقين الحرمة اهلها سيئين
أو مبتلية بذريتها
أو أو أو
ماحد عليها مستريح