تجاربكم مع امهات ازواجكم ... حياكم الله

الله يرحمها ام زوجي كانت امي الثانيه

مرحبا اخت كاميليا
نورتي

بدايه الله يعينك ويساعدك ويجعله في ميزان حسناتك يارب ..

من معرفتي البسيطه بالناس دايما اشوف الام اللي تنشب او تتعلق بولد واحد دون الباقين بهالطريقه والتدخل مع العلم ان مو محتاجه الولد بشي الا انها تشوف هالولد مختلف وهو معطيها المساحه الكافيه اللي تخليها تتصرف ان البيت لها مو لك..ومبين لها بشكل مبالغ طيبته ان اي شي تسوينه انا وزوجتي تحت امرك ..وبهالحاله الام تاخذ وضعيه فرعون ..نقول البعض مو الكل .. وانتي مهما سويتي ماخذه الضوء الاخضر من ولدها يعني انتي لاحول ولا قوه ..
اتوقع اذا كنتوا بتطلعون هو بنفسه يقول بنقول لامي يمكن تطلع معنا .. ولو شافتكم ماقلتوا لها هو بيتكلم قبلها اطيد انها تطلع معكم لانه فوق الطيبه حيا من امه .. وان شالله اكون غلطانه بهالتحليل

فأنتي مالك الا الصبر لان التصرف لازم يجي من الولد وانتي مستحيل تغيرين رايه او تتكلمين عن امه باي شي لان بيعتبره تحريض على امه ..والدليل انك تاخذينها من قاصرها لما تطول تطلعين من البيت ..وتنعاد الاسطوانه من جديد.

الله يعطيك الصحه والعافيه ..ونورتيني مره ثانيه
يومك سعيد

ياهلا ماروكو الصغيره نورتي

عجبني ايموجي الحيه هههههه وطريقه التعبير

معك حق والزين مايكمل سبحان الله ..لازم يطلع احد ولد ابليس هههه الله يعدك نورتي

يومك سعيد

هلا والله كادي

الله يرحمها ويغفر الله يارب..والعمر لكم

نورتي الله يسعدك

امين الله يعين . ياحلو الامهات الي ماتبي تثقل على احد. والمراءة معززه ومكرمة في بيتها.

الحياة ماتطيب اذا الزوجة مو مستقله . المشاكل ماتنحل الا بالبيت المستقل،
مهما كانو الافراد لطفاء ، اذا التقو وعاشو في مكان واحد لابد من المشاكل الي ماتنتهي.
هذا غير ان بيتك يصير سبيل ومفتوح باب بيتك كل يوم. وعيالها وبناتها داخلين طالعين.

زمن جدي الي الولد ياخذ امه ويسكنها عنده، لان ذاك الوقت العيشه صعبه.
الان في زمننا الكل عايش بخير ونعمه وامن. لذلك ياام الولد بيتك اكرملك من عيشتك في بيت الابن.
وانت يالزوج عشان تحفظ الود بين زوجتك واهلك حط زوجتك وعيالك في بيت مستقل.