الزوج النرجسي

يا غيم وينك قلت لك عدلي كتابتك الكلمات متشابكة مع بعضها مش مفهوم الكلام..
السطور الأولى تمام قرأتها لكن من منتصف الصفحة الى نهايتها حروف متشابكة عديلها بارك الله فيك كلامك حلو 👍

النرجسي يتغدى على ضحيته يكون متسلط أو بالالفاظ واحياناً تصل الى مدة اليد .
كمان النرجسي يتغذى على المدح من الضحيه مثل دايم يسالك شكلي حلو ؟ يبغى يسمع منك كلام مدددح يغذيه .
بختصار يتغذى على شيئين انه متسلط عليك و يتغذى على مدحك له .
والشخص الوحيد اللي قادر على تغييره هو انتي .
شخصية النرجسي ضعيفه جداً جداً والوحيد القادر على تغييره هو ضحيته أنتي بس أعزمي التغيير اذا رجعتي له خليك قوية والأشياء اللي ما تبغيها ارفضيها بشكل واضح وخلي عندك يقين برب العالمين ان حياتكم راح تتغير للأفضل .
النرجسي يوهمك انك على خطأ وتصرفاتك غير صحيحه اذا واجهتيه في تصرف غير مقبول منه يقلب الطاولة عليك ويطلع هو الصح وانتي الغلط دايم يشكك بنفسك .
بس تأكدي النرجسي ما يقدر ان يتخلى عن ضحيته حتى لو تغيرت شخصية ضحيته يتغير معها يمكن تقولي راح يتزوج علي اذا تغيرت عليه النرجسي ما يقدر يستغني عن ضحيته حتى لو تغيرت شخصيتك بيتغير معاك للأفضل بس ما يقدر يتخلى عنك يصير متعلق فيك .
اذا تبغي منه شي تكون المواجه والطلب بالشكل المباشر وعدم التودد له.
الله يسعدك ويكتب لك الخير والسعادة وراح البال وين ما تكوني .

بعيداً عن موضة او هبة الشخص النرجسي اللي طالعين فيها اخر سنتين واللي اعتبرها هبه من الهبات على غير سنع
اساس العلاقات الزوجيه الموده والرحمه واللي يندرج منها حسن المعامله والاحترام والقدره على مشاركة الحياه مع الشخص بسلام
هذي الامور اللي لازم تنظرين لها بعيداً عن التصنيفات والتسميات والهبات اللي يطلعون بها الناس
وكذلك انتي نفسك ورغبتك هل عندك قبول او رفض لهذا الشخص
وهل عندك استعداد تتقبلينه بكامل عيوبه اللي عرفتيها بمعاشرته او اللي ممكن تظهر عليه بعدين او لا
اما مسألة انك تبين ترجعين له بس لانه كلمك وترجاك واستعطفك وقال ندمان معليش هذا الكلام ماله قيمه
فكري بنفسك وبرغبتك بدون أي تأثير وضغوطات ثم اتخذي القرار واستخيري الله
انا مستغربه من طرحك لهذا الموضوع وانتي مؤمنه انه شخص نرجسي يعني ليش ما خمنتي ان محاولته للرجوع مجرد خدعه من عقليته المريضه عشان يحس بالانتصار ويستعيد شعوره بالعظمه والسيطره ؟
في جميع الاحوال سواء كان شخص نرجسي او سيكوباثي او أي شي ثاني تذكري انك انتي اللي راح تعيشين معاه وانتي اللي لازم تتخذين القرار بدون ضغوطات او عشم انه ممكن يتغير او يتبدل

هذي الشخصيه مرره مرهقه. اذا انت من داخلك هشه وضعيفة مستحيل تسعدي معه الا ان يشاء الله. اما لو انت قويه ولا تهتمين لاستفزازه ونظراته واسلوبه بيمشي معك ويحط لك الف حساب. وانت شوفي اذا رجوعك للشخص هذا فيه مصلحه بتقدرين باذن الله تمشين الحياه اما لو انت مرتاحه بدونه  فالبعد غنيمه.

وحطيها في بالك ان التغير يعتمد عليك مو علية. لانه يعتبر شخص مريض.