مع أو ضد هذا القول؟

زوجات الأبناء تكفون اتركوا مساحة للعائلة يجتمعون لوحدهم يحتفلون لوحدهم كعائلة إحنا مانبي نجرحكم ونقول خاصة ولكن أنتم افهموا وخلونا لوحدنا شوي
مو ضروري تحضرون كل مناسباتنا وجمعاتنا صرنا نفتقد الخصوصية كعائلة وكجلسة عائلة حنونة
نبي نتجمع مع إخواننا.

منقول

64 تعليق 4,156 مشاهدة

شاركي في النقاش

سجلي الدخول لإضافة تعليق.

التعليقات

64
  1. @aanod_fhd

    الشي الصحيح ان كل وحدة تقعد في بيت زوجها وما تطلع الا للحاجات او اذا احد عزمها انت فاظية
    اما كل ما صار مناسبة تنط عند اهلها او حتى اهل زوجها اكيد هذا غلط ولازم نحط في عين الاعتبار حتى روحتها عند اهلها بشكل شبه يومي غلط
    وانا ما اتوقع ان فيه وحدة في هالايام قاعدة في بيت زوجها اسبوعين بدون طلعة، النساء الحين صاروا مثل الرجال حتى بعضهم صاروا ياجرون استراحات حالهم حال الرجال وييعععععع راحت الانوثة كلش
  2. زائرة

    مع لان زوجات الاخوان اي شي يصير واي شي ينقال عطول عند اهلهم وين الخصوصيه هذي المقوله بخذها وبرسلها في كل قروب لعل وعسى توصل عند المقصود 😂😂
  3. @ghym_57

    مع أكيد الزوج مثل الزوجه وده يجتمع مع اخوانه وخواته لحالهم
    لكن المفروض تجي من الزوج ماهو خواته او امه
    يعطيها خبر اليوم بنجتمع عند امي بطريقة واضحه أكيد الزوجه ماهي ناشبه له اذا قالها
  4. كلامك صحيح لكن عندنا زوجة اخوي عسسل كانها اختنا ومنا وفينا مع ان هي من قبيله واحنا من قبيله بس نستانس بوجودها ❤️
  5. @sara_aal_5

    مدري انا العكس في اثنين من اخواني بيتوتيين ابغاهم يعطونا مساحه نجلس مع حريمهم لان فيهم حركه مو حلوه مثلا اللي مسافر يجي يبغى الجمعه معه هو وزوجته طول الاسبوع ويزعل اذا نزلو حريم اخواني وجلسنا معاهم وحنا مانصدق نجتمع كلنا ليش يجون هم عندكم علطول والثاني احيانا ينزل الديره بنفس الوقت ويبغى الجمعه معه هو وزوجته بس وتبدا نفسنتهم على بعض كل واحد يحمسنا اكثر عشان نميل لهم😂😂😂

تابعي تجارب أخرى من هذا القسم.