رجعت من الزواج متضايقه ساعدوني

السلام عليكم
انا انقطعت فتره كبيره عن المناسبات
واهتميت بنفسي وبصحتي وبشعري وبجسمي
كنت نحيففه مره والحمدالله زاد وزني
وشعري طال وصار طويل مررره قريب ركبتي
وبصراحه استعجلت ورحت الزواج بدون مااتحصن
وطول ماأنا بزواج نظرات قرايبي علي اذا ناظرت لهم على طووول يشيلون عيونهم واول مارجعت للبيت كثير راسلوني سناب
ماشاءالله احلويتي وش تستخدمين لجسمك؟
وش تستخدمين لشعرك؟
وش تستخدمين لبشرتك؟
انتي الي حاطه الميك اب ولا ميكب ارتست؟
فستانك يجنن من فين؟
ياناس بعض الأرقام مااعرفها يسألوني عن نفسي واذا قلت لها انتي مين ماتعلمني
المهم بعد الزواج بيومين تحديداً
جتني ضيقه بصدري مايعلم فيها الا الله
وكرهت الأكل
واحس بحزن داخل صدري ماله سبب
ودي ابكي واصيح لاكن مو راضيه تطلع البكيه
انعزلت عن اهلي مابي اشوف احد ودي اجلس لحالي من الضيقه
يضحكون واجاملهم وابتسم
شعور الضيقه شعور ماقدر اوصفه
علموني وش اسوي تكفون