لو أم زوجك صرخت عليك

والله ماندري وش حيثيات الموضوع بالضبط..
لكن عموما أي شي من أهل الزوج مايأثر على علاقتك الخاصة بزوجك لاتوقفين عنده ولا تفكرين فيه
اغفلي اغفلي ترتاحين👌

وادري ان رفع الصوت مؤذي وأكيد يضايق ويشعر بالإهانة
لكن مايسوى موقف عابر يهدم عشرة سنين.

قللي احتكاك معها
ولاتطلبين منها مساعدة
ان ساعدتك اشكريها
وإن ماساعدتك لا تبينين لها انك محتاجة لها..

حيثيات الموضوع، فجأة تغيرت وصار اللي صار قبلها بيوم كانت ترد كلمة ورد غطاها وهي بالعادة تسولف عادي. واليوم اللي بعده صار اللي صار.

معها شخصياً ماصار شي، بس موقف مشابه صار من قبل واكتشفنا انه في احد ناقل لها كلام وهي ماكأنها تعرف زوجة ولدها من سنين تصدق مباشر وتتخذ موقف. وقتها ولدها اخذ موقف لأن الموضوع كبير ووصل للأهل( أهل الزوجة).

مهي عيشة كل ماجا حد بكلام منقول ماتسأل. ولا تتأكد وتصدق وش خلت للغريب اللي مايعرف ولا عاشر؟؟؟

للعلم. بعد الموقف سافرت ورجعت بعد ثلاث اسابيع وصارت تتعامل ماكأن شي صار. مهو اليوم اللي بعده!

بس ماتوقع في زمنا في زوجة ولد تقبل إهانة من أم زوجها وتسكت. لو الزوجة هي اللي غلطت هل فيه أحد بيقول انسوا؟ ولا بتتحاسب؟

مدري اللي تجي تشتكي ان اهل زوجها يتكلمو عليها من وراها
يعني تبغي تقنعيني
انتي ماتتكلمي عن ام زوجك واخواته وقبيلته وتحشيهم عند اهلك
تبغي ترتاحي وتريحي حالك
اقتنعي ان مافي اهل زوج ولا مرة ولد مايحشو بعض
حتى لو كانت علاقتهم سمن عالعسل
الا وماتصير مواقف بين الطرفين تضايق
اهم شي علاقتها بيك واحترامها قدامك
بالنسبة لصراخها عليك ماقلتي وش السبب
يعني كنتو تتناقشو على موضوع وصارخت عليك بنقول مقبولة
لكن لو كذا صارخت من حالها فأكيد من حقك تزعلي
ولما تزعلي بيني للشخص الثاني انك زعلانة
حتى وهي مسوية انها ماعملت حاجة
لا تتكلمي معاها ولو كلمتك كلمة ورد غطاها
لين ماتعرف انك ماخذة بخاطرك منها
نصيحة اخيرة مدامكم ساكنين مع بعض
يعني الاحتكاك والهوشات بتصير
فكبري دماغك لأن ماحد بيتعب غيرك

ماقلتٍ من البداية إن السبب نقل كلام..

طيب ليش ماتصارحينها بأسلوب لطيف
قولي لها انت غالية وزعلك مايرضيني أي شي يوصلك عني واجهيني فيه وتأكدي منه وأنا اسمعك وأوضح لك لما يطيب خاطرك