علامات الحمل قبل الدوره ..

صباح ومساء الخير حبايبي

طبعا انا من كم يوم نزلت صورة تحليل وشوية علامات كنت اسأل فيها هل حمل او لا .. و مثل ما كل الي مهتمين لموضوع الحمل وعلاماته قبل الدوره حبيت اكتب لكم تجربتي

انا قبل الدوره بيومين نزل علي افراز وردي فاتح جداً ما اشوفه الا وقت المسح فقط ووقف حللت وبان لي خط خفييف بالقوه شفته ويوم الدوره بنفس موعدها نزل علي نقطه دم 🩸وحللت بعدها وطلع خط يبان بس خفيف يعتبر وقعدت بحيره اخر شي يوم تاخرت الدوره بيوم حللت والخط صار واضح جداً الحمدلله حللت دم اكدو لي الحمل يارب لك الحمد

اما عن الالام قبل الدوره
كان فيه الم خفيف جداً ببطني اخف من الم الدوره بكثير والم بالصدر خفيف فقط من الجوانب وحول الحلمه وتحسين فيه شي اسفل بطنك مشدود شد بسيط كانه شد التبويض بالضبط .. والم الظهر هو اكثر شي متعبني مافي مكان محدد مره فوق مره اسفل ومره بالوسط🥲 الله يأجرنا وجاني فقدان شهيه غريب مو عوايدي بالقوه اكل اما الوحم والغثيان ابدا م حسيت للان بشي ممكن ع قدام.

اتمنى استفدتو ولو شوي وادعوا لي بتمام حملي وان الله يرزقني ببنوته او توأم بنات لان عندي ولدين الحمدلله🥹🤍

دمتم بِحُب 🤍