حالاااااات طلاااااااااااق .....في بيتناااااااااااااا

مشكلتنا اى سالفه تمر نقول عين والا سحر صح انهم حق ولكن انا مااعرفكم بس من اللى استخرجته من كلامك ان اخوك الاول طولت ملكته سنتين وهو متوظف ليش ياجل كل هالوقت يمكن البنت ملت وتبغي الزواج وصبرت سنتين واتوقع انه المفروض بعد الملكة بكم شهر يتم الزواج افضل

واخوك الثانى انتى بنفسك تقولين مامعه وظيفه وشهادته على قده وتقولين كان يكلم زوجته وهى سليطة لسان واللى واضح انه مااتفق معها من البدايه على السكن معكم وبعدين تتهمينها بسلاطة اللسان بالامانة وبضمير حطى نفسك في مكانها ترى كل شخص له طاقه والمشاحنات التلفونية لو كل شخص بيطلق بسببها كان كل المتزوجين تطلقوا وتقولين بعدها تملك على وحده 3 اسابيع وطلقها هذا يدل انه مايتفق معهم من البدايه على كل شئ وياغاليتى حتى لو في البدايه بيوافقون اكيد لما يقرب الزواج على امل انه يتوظف ينصدمون
نجى لمشكلة اخوك الرئيسة شكله عنده طموح خيالي او ان الوظيفه بتجيه على طبق من ذهب لايااختى ليش اهلكم مايجبرون ويزعلون عليه عشان يتوظف وتاكدى انه اذا ماتوظف بتستمر المشكلة الى ان يشاء الله اصلا حتى لو تزوج من وين بيصرف عليها واذا الله اراد ورزقهم باطفال من وين يؤكلهم وراهم مدارس والعاب ومستشفى وحوسه لها اول مالها تالى يعنى ماتضبط اموره الا اذا توكل لى الله وتوظف وشكثر اللى يطلبون حراس امن مافيها شئ وظيفه بالحلال ليش مايتوظف كاشير مثلا او بياع ذهب والدولة ماقصرت تعطى دورات للتعليم مجانا وعليها مكافئة وبعدها يوظفونهم وش يبغي بعد ...

واخوك الكبير بعد غلطان ماتوقف الدنيا عند وحده او ثنتين او حتى عشر حريم فيه ملايين من البنات ورزقه بيجيه بس المره ذى ابعدوا عن القرابة وخليه يشوف البنت وهى تشوفه ويوضحون ظروفهم ومكان السكن من الاول لمنع اللبس والمشاكل وينتظر فترة الى ان تهدى اعصابه وبعدها دوروا له مره ثانية اكيد ان شاء الله بيلاقي نصيبه بس ماتطول الملكة اكثر من كم شهر ويتزوج وحده واعيه متعلمة تقدر ظروفه وواضح ان اخوانك عنهم استعجال كثير هو اللى يسبب لهم المشاكل ذى والصغير شكله عصبي معليش اذا كلامى بيزعلك بس انى والله وضحت لك اللى انا اشوفه بكل امانه مابغيت اجاملك وياليت تناقشين خوانك وتهدينهم والله يوفقكم جميعا وسعدكم وان شاء الله نلاقيك في قسم الازياء تدورين موديلات لزواجهم الله يرزقهم الزوجات والذريه الصالحه وعذرا للاطاله...

العين حق..

وممكن يكون هذا نصيب..العلم عندالله

وعليهم بالصدقه وسبحان الله يغير من حال الى حال.