تبارك الله يا حظكم 🌷

خلي عنك الكلام الاستعطافي
انتي تتكلمين مع وحده تعرف معنى كلمة حرمان من يوم كنت صغيره وهذا الحرمان كبر معاي اعرفه وخابرته زين يعني لما ارد عليك يمكن كلامي يكون من واقع تجربه مو تنظير وكلام فارغ .
وانتي جايه تستدلين بقصة أيوب عليه السلام طيب طالما شايفه نفسك بمكان يستدعي التشبيه والتمثيل بقصة أيوب عليه السلام ليش ما صبرتي مثل صبره ليش جايه تتذمرين وتشوفين رزق فلانه وعلانه من الناس بالزواج وتتمنين مثله بحرقه واستماته ؟!
هل مستعده تصبرين 18 سنه او 7 او 3 سنوات عشان تشبهين نفسك بهذا التشبيه ؟
وتقولين انك مؤمنه ان ربي ابتلاك طيب ما اشوفك اتخذتي موقف المؤمن المبتلى وصبرتي ورضيتي وسلمتي الامر لله !
ياليت ما تقولين كلام استعطافي تضحكين به على نفسك وانتي مو قده ولا تطبقينه
مثل ما ذكرت في ردي السابق لعل الامر فيه درس ربك يبيك تفهمينه عشان تكونين جاهزه لمرحله قادمه تتطلب منك القوه النفسيه والعاطفيه والايمانيه
ختاما دعواتي لك ان الله يشرح صدرك ويسهل امرك ويرشدك للصواب

مشكلتك انك مو راضيه بنصيبك و لا راضيه بالقضاء والقدر و عندك سخط كبير ع وضعك اللي هو من ربي سبحانه مو من احد ثاني

زواج بعد الثانوي يعني شي حلو ؟ تتزوج من ١٧ او ١٨ وهي لسى اصلا طفله ؟!!
الزواج مو شهر عسل ولا وناسه كله

قولي الحمدلله من قلبك و تذكري النعم اللي عندك وادعي ربي بدون تسخط
وبقناعه و رضا مو بس بالزواج بكل شي

كتبت ردي قبل ماقرا ردك هذا
هذا يأكد لي انه ماعندك قناعه بقدرة الله سبحانه

الله يكون في عونه ويرشده للصواب
مرات من كثر ما الشخص يكون متعلق ومتشفق على شي حتى لو مو زواج سبحان الله الشي ما يصير ولا يجي ويتعسر
لدرجة انه احيانا كل الدعوات والنوايا للحصول على شي معين تجي بالتمام مفصله تفصيل لكن لشخص ثاني حوالينه
وكأنها رساله ان نواياك يا فلان واصله ومتجليه لكنك لسه غير مستعد لاستقبالها في حياتك
عشان كذا يقولون لازم الواحد يتعلم الاتزان والاعتدال ويحط له عدة اهداف يلتهي فيها
واعرف ناس مثل اخوك من قبل سنة الكورونا وهم يلفون البيوت عشان يخطبون بنت مناسبه وكل مره يصير شي اما الاهل يرفضون او البنت ما تعجبهم او اذا وافقو يصير التحليل مو مناسب الى ان جات سنة كورونا والناس ألتهت بالحجر والمرض والحياه شبه توقفت فتره ولما رجعت الحياه بعد كورونا رجعو اهل الشاب يبحثون عن بنت واخذو يمكن سنه او سنتين من بعد سنة الكورونا ثم صار النصيب وتزوجو
الخلاصه مرات كل اللي نحتاجه الرضا والقبول والتسليم لله

لا والله ليش هالكلام والحسد
وترا في متزوجات عايشين معاناة مايعلم فيها الا الله سبحانه 

المقصد ارضي وكوني راضيه كل الرضا لا امورك الي الله سبحانه كاتبها لك واختارها لك 
دايما قووولي كل شيء من الله  حلووو 

ورزقك المتاخر ممكن يكون افضل منهم احسني الظن بالله وانشغلي في حياتك ولاحقة على الزواج دام انك تدعين رب كريم 🌹🌹🌹🌹🌹