أحس إن ....وإنتِ وش تحسين؟

احس أروى تحب الترتيب و التنظيم بكل شئ و متواضعه

البارح كنت عند صديقه لي.
ومعي وحده.
يعني كنا ٣ فقط.
لما جات ١٠ قررنا نمشي لاحظي..قررنا فقط.
أنا جا على بالي سالفة إن الحريم لما يجون يطلعون من عند وحده يجلسون ساعه يسولفون
قلت بحسب كم نستغرق لين نركب السياره.
والله ما ركبنا إلا ١٠ و٤٣
دقيقه😁

ابتدينا بالنقاش أول ماجابت العبايه نسأل الثالثه منين عبايتها وبكم وكل وحده تدلي بدلوها حول أفضل موديل وقماش ومحل.و....

ثم مرينا على مجلس الرجال وجلسنا نتناقش في مكان الطاوله وإنه المفروض مايكون كذى الترتيب وبعد أدلينا بدلونا حول لون ورق الجدران وانه المفروض يكون افتح درجه وأعطيناها تعليمات معينه..

وطلعنا للحوش الخارجي وبرضه..أدلينا بدلونا ليش غطا خزان المويه مرتفع مره وانه لازم يكون نازل شوي لأن صار يشكل عقبه للي يمشي وممكن يطيحون فيه وهي مسكينه تحاول تقنعنا إنه بالعكس كذى أحسن عشان موية التشطيف ماتدخل جوى الخزان..
وأنا في خاطري أقول والله معها حق! لكن كرامتي أبت إنها تعترف وأصريت على موقفي..

ثم آخر شي أدلينا بدلونا أنا والثالثه إن ضبة الباب الخارجي مهي متناسقه مع الضبه حقة الدرفه الثانيه لأنها مشوهه منظر الباب الجميل..
في الأخير أقترحنا تهد البيت كله وتغير أثاثه أفضل وتآخذ راينا في كل شي😉🤕

هههه

إي والله😂

انا دافوره 🤓