شاركي في النقاش

سجلي الدخول لإضافة تعليق.

التعليقات

80
  1. @ghalyh_mrh

    المشاركة المقتبسة غير متاحة.

    السلام عليكم ورحمة الله وبركاته

    راح اقولكم قصتي بكل امانه

    من فتره وانا ادور على كوفيره تجي البيت ويكون شغلها حلو وسعرها معقول عشان زواج اختي

    ودخلت موضوع من المواضيع شفت مدح من عضوتين او ثلاث لوحده اسمها باسمه قلت خليني اتوكل على الله وادق عليها واجيبها لزواج اختي

    دقيت عليها وحجزتها لزواج اختي وقالت لي انها تعمل دورات وانو عليها زحمه ومن هالكلام وقالت لي انها تسوي بس ميك اب ما تسوي شعر

    المهم دقت علي بعد كم يوم قالت انتو راح تعملوا شنيون قلت لها ايه في بعضنا راح يسوي رفع قالت اجل اللي معي تعرف تسوي ويفي ونفخ وسيشوار وشاطره فيها

    المهم قلت لها ليه كذا ورطتيني حنا خوات العروس اكيد فيه احد بيسوي رفع هذا قبل الزواج بيوم المهم دقت علي بعد شوي قالت لقيت لك وحده ثانيه وهذا رقمها اتفقي معها

    كلمتها واسمها فاتن قالت اعرف اسوي تسريحات بس ترى الحين طايحين بالويفي اكثر شي والنفخ

    قلت لها اهم شي انتي تعرفين تسوين تسريحات قالت ايه بس ترى ما عندي حشوات اذا تبون جيبوا انتو

    المهم جاء يوم الخميس سوت لي انا وحده مكياج مو بطال ماشي حاله بس مو توب عااااااااااادي جدا وانا اساسا ملامحي سهله يعني عيوني واسعه كل الكوفيرات يظبطون مكياجي

    المهم بدت باختي الثانيه عادي شغلها فيها مو مضبوط صراحه يعني انا ما في امل اسوي دوره عندها
    اختي الثالثه خلتها تحفففففففففففففففففففه بدون مكياج احلى

    يعني هي ما تعرف كل وحده وش يناسبها مكياجها ما يستاهل 250 نهائيا والاخت اللي مادحتها بالمنتدى تقول انها نفس شغل روز

    هي وييييييييييييييييييين وروز وين مع اني متأكده انو عضوتين مدحوها هي نفسها الكوافيره لاني سويت بحث لمواضيعها طلعت كلها مدح في باسمه

    وباوريكم الدليل

    هذا الموضوع الاول وشوفو رد الاخت
    http://forum.hawaaworld.com/showthread.php?t=664542




    هذا موضوع هي كاتبته مادحه فيه نفس الكوافيره

    http://forum.hawaaworld.com/showthread.php?t=675299

    وهذا موضوع ثاني كتبته في قسم البشره

    http://forum.hawaaworld.com/showthread.php?t=673399

    موضوع ثاني بعد تمح شغلها للعروس
    http://forum.hawaaworld.com/showthread.php?t=672542



    موضوع ثاني تقول فيها انها تسوي دورات

    http://forum.hawaaworld.com/showthread.php?t=663779


    جميع مشاركاتها ومواضيعها كلها مدح بالكوافيره باسمه وهذا يدل على انها هي نفسها

    ياليتني سويت بحث لمواضيعها قبل ما اتورط انا واخواتي

    المهم خلوني اكمل لكم القصه
    حقت الشعر طلعت تحـــــــــــــــــــــــــــــــــــــــــــــــــــــفه من تحف هذا العصر اذا قلنا لها على تسريحه قالت قديمه

    المهم انا يوم شفت الحرمه كذا قلت لها سوي لي نفخ بسيط وبس والله العظيم حتى النفخ ما تعرف تسويه

    جلست اقولها حرام عليك اللي تسوينه فيني خلاص خليه سيشوار وبس

    واختي خربت شعرها

    المهم تورطنا تورييييييييييييييييييييييطه ما بعدها توريطه وانا السبب لاني سمعت كلام وحده من المنتدى بدون ما اشوف شغلها
    الحمدلله انو الزواج كان مختصر مرررررررررررررره ولا كان علوم راحو ثنتين من خواتي لدندشه
    الساعه 7

    المهم خلاصه الكلام انصحكم نصيحه لوجه الله لا تصدقون الكلام اللي يقولونه العضوات الجدد اللي همهم بس الترويج لانفسهم

    لاحضت كم وحده مثل نور الشمس اللي كانت تروج للكوافيره احلام
    والحين ياسمين وفيه وحده ثانيه بعد اسمها بالانجليزي pure_roses

    نفس شي ترويج لنفس اللي اسمها باسمه ولو سويتوا بحث لمواضيعهم ومشاركاتهم تلاقونها كلها مدح بنفس الكوافيره حسبي الله عليهم


    اعيد واكرر انتبهوا عشان ما يصير لكم نفس اللي صار لي
  2. غاليه مره
    السلام عليكم ورحمة الله وبركاته راح اقولكم قصتي بكل امانه من فتره وانا ادور على كوفيره تجي البيت ويكون شغلها حلو وسعرها معقول عشان زواج اختي ودخلت موضوع من المواضيع شفت مدح من عضوتين او ثلاث لوحده اسمها باسمه قلت خليني اتوكل على الله…
    والله صدقتي يا غاليه مواضيع المدح كثير وانا صرت اخاف اجازف واجرب حد منهم

تابعي تجارب أخرى من هذا القسم.