وش أقصد بالحرمان في الزواج؟

بعد الثانوي كنت راغبة بالخطبة قبل تسجيل الجامعة لكن ما انشغل بالي كثير، وجاء وقت التسجيل سجلت وانقبلت بفضل ربي وشفت بنات ما انقبلوا بكوا وحزنوا كثير ووحدة كانت تقول بنهار إذا ما انقلبت أنا وقتها مستغربة لهفتهم للجامعة وبكاهم عشان جامعة! مرت الأيام وزادت رغبتي إلى أن وصلت لمرحلة أبكي على وضعي بدون زواج وبديت أتحسس وأتأثر إذا شفت وسمعت وحدة تقول "زوجي" أو زوجها كان يفز قلبي إذا شفت اثنين ماسكين بعض أو اذا شفت خاتم أو حتى رسالة عقد قران علطول يفز قلبي وتتسارع نبضاته وكأني أبي هالكلمات وهالأشيا بحياتي .. إلى أن أدركت أني قاعدة أعيش الحِرمان وهو إنك تستشعرين نعمة مهي بحياتك وتشوفينك بأمس الحاجة لها وإذا شفتيها عند غيرك تتحرك مشاعر الرغبة تجاهها 🤍🤍

تذكرت البنات اللي يبكون ويحسون بحرقة إذا ما انقبلوا جامعة، لأني ما قد عشت بحياتي حرمان أبد فكانت الجامعة بالنسبة لي غير مهمة لو ما دخلتها لكن شاء الله وأراد يشعرني بالحرمان في مسألة الزواج من خلال لهفتي وانتظاري 🤍