اسئله زوجي عن اختي

فيه الأغلب يعتبرون الصلاة عاده وليس عباده يصلونها ع أكمل وجه والصيام كذلك لكن قلوبهم وعقولهم مليانه، يعني نحمد ربي إن مالنا حاسه سادسه عشان ما يحملنا مالنا طاقة لنا به
الغلط مو فقط منه حتى انتِ يا مدام !! كيف تقولين بشرتها لونها كذا !
ماله دخل فيها بيضاء سمراء حنطيه ماله شغل خليها حلق في إذنه وإذنك
وإحساسي يقول كلامه عن زوجة اخوه والتهاويل اللي سواها كذب بس عشان يستدرجك وتتكلمين عن مواصفات اختك
فعلاً إذا لم تستحِ فإصنع ما شئت .

شكلك خذيتي وعطيتي معاه بالكلام قبل لهذا تجرأ وسألك
المفروض من اول مرة سكتيه ووقفتيه عند حده شنو الوقاحة هاذي

اى مثل زوجى يسأل مرات عن خواتي ياربي لدرجة اختى مره بعد كانت تسألني عن زوجى نفس الاسالة

اذا سوا زوجك اي تصرف ماعجبك قولي يوه حتى اختي فلانه ناقده عليك وتقول وتقول اعطيه مسبات
اذا كانت عندك بالبيت وهو جاء قولي اختي تقول وش هالنشبه هذا اي شي اي شي بس وصلي له انها هيا كارهته ويكرهها عشان ماعاد يسال
وانه اختي اتغيرت مادري شفيها نفسيتها ماعاد تحترم احد 🙂

قلت السواليف مابقى الا تسولفون عن اشكال خلق الله ومين يشبهون ؟
وهذا هو اساس ومفتاح ومدخل الغلط
تفتحون المجال للقيل والقال عن النسوان ثم تسوين نفسك مصدومه وغيرانه انه سأل عن وحده منهم !
انا ما اعرف طبيعة حياتكم واسلوبكم مع بعض لكن في امور يفترض ما تخوضون فيها حتى لو من باب السوالف والضحك وحتى هذول الناس اللي تكلمتو عنهم لو يدرون انكم تجيبون بسيرتهم عند الرجال كان زعلو وانتي تتحملين جزء من هذا الغلط مو بس زوجك
والشي الثاني بخصوص اختك واحتكاكها معاه كذلك ينطبق عليه نفس كلامي اللي فوق
يفترض ما يحصل بينهم احتكاك وسوالف يوم على يوم تألف نفسه ويتعود عليها والنتيجه انه صار يسأل عنها عاد يعتبرها امه خالته جدته المهم انه كسر حاجز بينه وبينها وبنفسه حس انه عادي يسأل عنها
زوجك مثله مثل كل الرجال ممكن تجي عينه على بنات لو مجرد نظره عابره لكن الفرق انه الرجال الناضجين يشوفون ويغضون البصر ويسكتون ويكملون حياتهم عادي اما زوجك من النوع اللي يشوف ويتكلم واظن والله اعلم السبب انك يمكن متعوده تسولفين عن النسوان عنده بحيث تعود يجيب طاريهم عندك او هو في بيت اهله متعودين يسولفون عن النسوان عند الرجال وهو مثلهم
في جميع الحالات تحتاجين وقت الى ان يتعلم ويستوعب ان محارم الناس خط احمر وممنوع يتكلم عنها
وانتي كذلك تعلمي هذا الشي محارم الناس خط احمر سواء اختك او عمتك او خالتك لا تجيبين طاريهم فوق ما انه حرام وتحملين ذنوب الغيبه بعد تخلين رجال يتخيل ويتصور بكلامك عنهم