الهاربات من الوطن قنابل موقوته في منازلنا

❤❤❤
ويحفظ احبابك

وش يفرق يعني اذا انحاشت عشان اهلها عنفوها ولا هربت عشان حابه تعيش حياه ثانيه اهلها حارمينها منها ؟
كلها مثل بعض تصب في طريق واحد ان الاهل خانقين البنت وكاتمين نفسها
ووحده من الهاربات بدون ذكر اسماء الناس طلعو تغريداتها القديمه هي بنفسها كاتبه انها مسويه الكبائر مع رجال وهي داخل السعوديه وعايشه مثل عيشة الاجانب واصلاً اهلها ماكانو مقصرين معاها ومسفرينها كل مكان وعندها رفاهيه مو عند غيرها بإعترافها لكن سبحان الله ذيل الكلب راح يبقى اعوج مهما سويتي فيه رغم كل الحريه اللي عندها مخها فيه خلل تبي حريه اكثر تبي رخص وحرام بكل انواعه واشكاله تمارسه بشكل علني بدون قانون ولا دين وعادي تحمل وتولد وماتعرف مين ابو الطفل حياه بهيميه
مثل هذول الاشخاص اصنفهم حالات خاصه نادره الله يهديهم ويستر علينا وعليهم
كل شخص يربي اطفاله بما يرضي الله ويتناسب مع عقلية هذا الجيل ويستودعهم الله

صحيح لان المراهق يقارن نفسه بالاشخاص اللي بنفس عمره يشوفهم وش يسوون والمسموحات والحريات اللي عندهم ويتمنى يكون بمكانهم
آمين الله يهدي ويصلح الجميع ويستر علينا وعليهم

ياسلام عليك
جبتي الزبده..

الفرق يا قلبي زي فرق
السما عن الأرض

الوحده الي عندها إستعداد
للانحراف بتنحرف لو أمها جايبتها
في مسجد.
هذي ماتفرق معها وش تشوف ولا وش
تسمع لأن هي كذى طبيعتها شاذه
وازعها الديني صفر.

لكن وحده سويه
متربيه ومستقره نفسيًا
وتتقبل نصح أمها وأبوها
لكنها مراهقه لها رغبات
وعندها لحظات تمرد وسخط
تزعل من لفتة أم ولا من توجيه أب
وترجع لصوابها.. بس وهنا مربط الفرس
تجي وحده زي أم ديود وتقول أهلي
عنفوني أهل هاوشوني أهلي كبتوني
وتحدد أشياء معينه كانوا يهاوشونها
عندها وتلقينها أشياء تافهه وكلنا نهاوش بناتنا عندها لكن هي تعظمها
وتكبرها ..وتوافق تفكير مراهقه ورغبات طائشه مؤقته وش يصير؟

مهو شرط الوحده تهرب
ممكن تكره أمها
تبعد عن أبوها
معد تتقبل شي منهم

عشان كذى حذر الشرع في القرآن
والسنه من الصاحب السيء ومن جليس
السوء.

وهذولا صاروا في بيوتنا ٢٤ ساعه
يشاركونا حياتهم بأدق تفاصيلها.

عرفتها
رغم كل شي متوفر لها لكن باعت نفسها للشيطان

ما نقول الا الله يهديها ويصلح حالها
ويثبتنا على دينه حتى نلقاه