تجربتي مع ابرة الظهر
ابشركم ولدت ولله الحمد والمنة ورزقت باحلى بنوته و اخذت ابرة الظهر بمستشفى خاصه لان الحكومي ما يعطون وهذا اول ولادته اخذها والي اعرفه عنه اني اخذها ولا عاد احس بالطلوق نهائيًا لين اولد لكن للاسف الابره يروح مفعوله بعد ساعه او اقل و واخذ نص ساعه انتظر اخصائية التخدير تجي واذا عطتني جرعه تاخر عشر دقايق وبعد يبدا المفعول والالم احس بشي خفيف لكن موجود والحمدلله على كل حال وبدفع تاخرت عشان تطلع ادف ادف مع الالم وبعده الدكتوره ساعدتني وسهله الله علي ولدت بالسلامة لكن الصدمه من ابرة الظهر باقل من ساعه ويخلص المفعول او ان المستشفى متعمدين يحطون جرعه بسيطه عشان ما اتاخر بالولاده والله اعلم وسالت الاخصائيه ليش تخلص كذا قالت الاجسام تختلف فيه ناس تقعد معهم ساعتين وناس ساعه وبنسبه لي معلومة جديده وفيه نقطه ثاني اذا اخذتي ابرة الظهر ممنوع تتحركين ولازم تنامين على ظهرك لان اذا نمتي على جنب بتركز التخدير على جنب ورجلك ويستخدمون لك قصدره لسحب الله يكرمكم البول ومره كانت بالنسبه لي مؤلمه مع فيه بنات يقولون عادي الم محتمل تقريبا سوو لي مره قبل الولاده ومرتين بعد الولاده واصروا علي نا اتحرك إلا بعد ٦ ساعات مع اني اقل من ساعه ولا فيه لها مفعول بس سياسة المستشفى او فيه ناس يتخدرون كثير وياخذون وقت والحمد لله عدت على خير والله يهون على جميع الحوامل ويرزقكم الولاده السهل الميسره السريعة كلمح البصر 🤲🏻