أكره في المنتدى...

طيب وتنزل شنو المشكلة هي العضوة في الاساس نزلت الموضوع وعارفة ان الكل بيشوفه وعارفة انه موجود في ملفها😅

صح

من أقبح الأشياء هذي
وحده قرأت موضوعك وردت عليه
الذوق والأدب يخليك تردين عليها لو بورده.

الحقيقه أستغرب إن فيه أحد
يستفزه أو يكره الكلام الزين!
أتفهم الي تكره كلام الهواش
والسب والزعل والقذف
والمواضيع الي تنزل بس عشان
تسخر من عضوه معينه..
لكن كلام محبه هذا كيف تكرهونه!؟
الكلمه الطيبه صدقه
خلو الناس تحب بعض
وتجامل بعض طالما ما أذت أحد!

عندنا هنا السلطانه
كلامها بلسمممممم
ورود وشعر ونسائم لطااااف
والله أستمتع في قراءة كلامها
سواء موجه لي أو لغيري
أبتسم وأحس بالحبور
وهذي طبيعة النفس السويه
تعشق الجمال في القول والفعل


وأستغرب من الي كانوا يقولون لها كلامك طويل!
طيب منتي مجبوره تمرين عليه
خليه بكل بساطه
لكن لاتصادرين حقها في الكتابه
ولا حق الي يعجبهم
لأن كل إناء بما فيه ينضح.

طبعا ما أقول انكم تقصدونها
والله.. ممكن تكونون تقصدون
شي ثاني.
لكن لأنها أيقونة الكلام
الجميل هنا في المنتدى
فجبته كمثال لنوعية الكلام
الي ما يعجبكم!

لا ياياسمين
مهو مواضيع
ردود تكون الوحده قايله فيها شي معين
عن حياتها أو عن أسرتها
ونست أنها قالته أصلا.
نفس هذي العضوه هددت برسائل الخاص الي عندها ومن ضمن الي هددتهم أنا😵‍💫😂😂
وتحديتها قدام الكل تنزل رساله وحده لي بينا فيها شي من الكلام الي تقوله!
طبعا ما قدرت لأنها كذابه وللأسف كانت تتستر بالتدين.
وسبحان الله انقلب السحر على الساحر
صاروا البنات يقولون يعني رسائلنا الي نرسلها لك ونفضفض لبعض إنت ممكن تهددينا فيها يوم! يعني منت أهل للثقه.