موضوع شاغل بالي..

السلام عليكم ورحمة الله
كيف حالكم يا خواتي، عندي موضوع مضايقني شوي قلت اقوله لكم يمكن ارتاح

قبل فتره جاء زوجي راجع من الدوام توه داخل ويوم جيت استقبله قال تعبانه انتي؟قلت لا وسألته ليش قال لا افكرك تعبانه بس😀
وتجاهلت الموضوع حسيت ماله داعي افكر فيه الا واجي اناظر بيوم بالمرايه احس وجهي تعبان حاسه مافيه حياه وعيوني مرهقه قلت يمكن لاني اجلس وقت طويل ع الاجهزه بحكم اني اشتغل اون لاين
وقلت يمكن برضو ادقق بزياده ومافي شي
ووالله زوجي لاحظته يناظر بوجهي نظره غريبه كأنه بعيونه حزن علي يمكن تفكرون ابالغ بس لا والله واسأله شفيك يقولي تبغين نروح المستشفى نسوي تحاليل كلنا نشوف يمكن عندنا نقص فيتامينات او شي بس اقوله لا وقريب سويت اصلاً ومايحتاج يبنات فجأه بدون سابق إنذار يطلع لي حبوب بظهري فضييييعه ماكانت موجوده ابداً كل ظهري حبوب لدرجه واصله للافخاذ وصدري برضو حبوب حمراء ووجهي صار يطلع فيه وصداع يمسكني اسبوع اسبوعين خفت مره ورحنا المستشفى واستخدمت كل شي ممكن يخطر ع بالكم وما حسيت فيه نتيجه قام قال لي زوجي انا بجيب لك سدر واستخدميه 🥲 لانه دايم اشتريه ولا استخدمه
مدري يبنات هل يفيد؟ ولا ايش قصده بالضبط احسه يتكلم بالالغاز واسأله يقولي معليك مفيد وحلو وإن شاءالله يفيدك
ايش يعني يبنات ف احد قد صارله نفسي؟طمنوني احس الوضع مريبب