ابي حل مع زووجي

السلام عليكم بنات انا وزوجي علاقتنا كانت حلوه بس جبت ولدي من بعدها تغيرت ١٨٠ درجة الحين ولدي الله يحفظه عمره ٧ شهوور وقبل اسبوعين زوجي سافر ووقت سفره ارسل لي كلام صدمني انه يبغاني البس له معليش عالكلام وانه فيه اشياء يتضايق منها فيني واني لازم اعدلها مع اني دايم البس واتكشخ بس مدري وش فيه الرجال 😭حتى يقول ابيك تغارين علي ابي تبينين غيرتك انتي ليه عادي عندك يوم نحجز مطعم عادي عندك اتكلم مع الموظفه ابيك تقولين لي لاتكلم البنات واذا مرو بنات من قدامنا ابيك تقولين لي لاتطالعهم كذا طلباته غريبه💔
المهم ياطويلين العمر والسلامه رجع من السفر وطبقت كل اللي قالي اياه بس للحين مو قادره اتقبل الكلام اللي قال لي اياه قوييي واحسه اصلًا مو طايقني ومتضايق مني طول الوقت وانا احاول اغير الجو الحين صرت اخاف افتح مواضيع معه واخاف اتناقش معه طول الوقت صرت صامته معاه وهو طفش مني انا ملاحضه هالشي وش الحل حياتي في انحدااار💔💔💔💔💔ابي اجدد في العلاقة ابي اسوي شي يغيرني معاه كيف اسولف معاه براحه ووش المواضيع اللي تجذبهم

3 تعليق 570 مشاهدة

شاركي في النقاش

سجلي الدخول لإضافة تعليق.

التعليقات

3
  1. زائرة

    ليش تخافي تناقشيه في المواضيع
    احس ان النقاش يعدل كل شي مع النقاش ب تفهموا بعض...
    جربي تفتحي مواضيع معه
    ليه تخافي تفتحي مواضيع؟!
  2. @sara4444333567

    صاحبة الموضوع
    زائرة
    ليش تخافي تناقشيه في المواضيع احس ان النقاش يعدل كل شي مع النقاش ب تفهموا بعض... جربي تفتحي مواضيع معه ليه تخافي تفتحي مواضيع؟!
    اخاف افتح معاه مواضيع ويزعل مني او يكون كلامي مش تمام معاه هذا خوفي اول كنت عفويه بس بعد كلامه صرت احاسب نفسي على كل شي واركز على كل حركاتي معه 🤕

تابعي تجارب أخرى من هذا القسم.