بدال

الله يغنيك ويسعدك

حبيبتي هذا من ذوقك

مشاعرك طبيعيه
وسويه
وصحيه
وماعليها أي غبار
ومن حقك تعبرين عن رفضك
للي يصير بالطريقه الي تبينها.

لاسبيتي ولا فجرتي في الكلام
ولا اتهمتي بالكفر وبالفسوق وبالضياع
وبالخيانه وبالغدر.
ولا حطيتي صور مسؤلينهم وفلترتيها بفلاتر الشياطين والماسونيه

قلتي كلمتين ومع ذلك عارضوك .

السعوديات الي عارضوك هذا من طيب معدنهم وأصلهم
لأننا شعب مسالم عاطفي
دااايم نبحث عن الأعذار للي يغلطون علينا.
لكن مهو دايم نحسن الظن ولا دايم ندور الأعذار.

حنا بشر لنا طاقة تحمل بعدها من حقنا نعترض لو بالكلام الي مانملك غيره.

لكن هل توقفت المساعدات أو الدعم ومن الجميع!؟
أبدا
ماتوقفت ولارح تتوقف لأننا مانساعد عشان المدح.ولانتوقف عشان الذم!

وسواء شرينا ماركات أو ما شرينا مارح يأثر على مساعدات المملكه.

أنا كفرد توقفت من زمان عن الدعم البسيط الي كنت سنين أدفعه للمنصات الرسميه.
ولا أعتقد بيأثر لكن أمام نفسي أنا ومن داخلي هذا شي يعطيني إحساس إني اتخذت ردة فعل محد انتبهلها لكن ريحتني أنا.

معليش أم القمرين
كيف نشرت الفتنه؟؟؟
مافي كلامها أي فتنه
تكلمت عن رايها وموقفها ومن حقها!

ليش دايم حنا يالسعوديين مطلوب منا الكمال والمثاليه في كل شي؟

لازم نكون كرماء لأبعد حد
ولو واح قال لا..قلتوا فتنه

ليش دايم مطلوب منا نكون
صالحين ساجدين راكعين
ولو طلع واحد غنى ورقص
قلتوا بلد الضياع
وضاعت بلاد الحرمين!

شكروا ولا ما شكروا
اعترفوا ولا ما اعترفوا
أمر الله ماااااااااضي
ثم مواقفنا ثابته على
مستوى الحكومه

حنا كشعب من حقنا نثور ونغضب
لأن مانا خنازير ماعندنا مشاعر غيره!

ترى أتكلم بالعموم ياقمر
مهو لك الكلام

لا يا أمطار
هذا عذر غير مقبول
وشماعه يستخدمونها عشان
يبررون كم الهجوم القذر الي قاعد يصير
سالفة مندسين ومهم فلسطينيين
ممكن
لكن والله مايمثلون ولا واحد في الميه من الي نشوفهم ونسمعهم.

خلي المكتوب والي ماندري من وراه

طيب القنوات الإذاعيه
الأسامي المشهوره
الناس الي نقابلهم في الواقع

البرامج الحواريه الي تتهم حكامنا بالخيانه والتخلي!

الكارثه هم خونة أنفسهم
من بداية الكارثه
لين أوسلو
لين أمس القريييييب والسالفة
المخزيه الي انتشرت عندهم وكلها خيانه وطعن في الظهر.

لاتدورون لهم الأعذار لأن لاعذر لهم.

ولاشفت يا أمطار أحد هاوشهم أو عارضهم أو قالهم لا!
الكل يأيد ومن كل الجنسيات.

وحنا هنا عارضنا ورده بس عشان اعترضت بأدب!