بدال

هههههه اصلاً كان بداية دخولي المنتدى وانصدمت ما اعرف احد واني حساسة جداً لدرجة حبيت اخرج من المنتدى بكبرة بس قلت بصبر وشفت العجب العجاب

الله يسعدك يا سدرة والله انك كفو من ين يومك وشفت الموضوع من جديد
ما قصرتي فيها نسفتيها نسف وانتِ ما تعرفني

يا هلا بعيونة تشرفت فيها ما كنت اعرفها من قبل
ايه ما احب اكتم شي بقلبي احب الصراحة علشان تتصافي القلوب واريح نفسي


وأحلى سدرة بالدنيا❤️😘

[بس ما تألبوا الناس على الشعب الفلسطيني وتقولون سبونا وشتمونا وانكروا تبرعاتناهذي فتنةتقدرون تقولون انكم صراحة ما تستغنون عن الماركاتنحبها ونحب نكشخ فيهااما تقولون سبونا وشتمونا فأنا اشوف ان هالشي فتنة)


والله مافتنه إلا كلامك هذا يا أم فتنه
لما نقول سبوا وشتموا نعتبر فتانين ونألب الناس عليهم!

ولما يقولون عن بناتنا فتيات دعاره ورقاصات وعن شبابنا خكاريه وديوثين
وعن حكامنا خونه ويهود
ما يعتبرون فتانين ولا يألبون!!!


متى ألبنا ومتى قلنا!؟؟؟؟
ومتى عممنا أصلا

إدعاءك للمثاليه الزايده في ردك
وتنظيرك هذا سامج ممقوت

وما أتخيل وحده سعوديه حره تقول عن الي يزعلون من سب دولتهم إنهم فتانين ويألبون!

عزاي الوحيد في ردك هذا إنك تكونين منتي سعوديه ..كويتيه فعلا..مع ان حتى الكويتيات الصح مستحيل يسمونا فتانات ولا من الي يألبون الناس على الفلسطينيين..

سالفة قولوا انكم ماتستغنون عن الماركات وباقي كلامك السخيف وكتابته بطريقة الي مسويه نفسها ماسكه علينا زلل عظيم هذي عاد شي مضحك ويثير الشفقه على تفكيرك

ردك هذا لو نسخته ووديته لتويتر ومنشنت هناك أي واحد يدافع عن السعوديه بتشوفين كيف الردود الي بتجيك وفي الصميم.

اتركي المثاليه الزايده والتنظير التافه

الشعب السعودي من أكثر الشعوب وعي وإدراك وعقل
ومن أكثرهم عاطفيه
يجي المتسول عند الإشاره ويقول عندي عشرين بزر والكهرب طافي وأمي في العنايه وماعندي أكل ويطلع السعودي المحفظه ويعطيه

تجي حرمه تدف عربيه في الدانوب مليانه أفخر الشوكولاتات والعصيرات والفواكه وتوصل للكاشير وتختار السعودي وتقول والله عيالي جيعانين ماعندهم ما يآكلونه تكفا حاسب..يسحب السعودي عربيتها ويحاسب

تجيك الثانيه عند الصيدليه وماسكه أغلى نوع علاج وأغلى نوع كريم وتقول أبوي بين الحياه والموت بالله جيبلي هذا العلاج يجيك السعودي ويحاسب عنها.. ترجع هي للصيدلي ترجع الدواء وتآخذ الفلوس..

و...و...و...

لاتعتقدين ان كلامنا هنا او في تويتر بيوقف المساعدات لأني زي ماقلت ماهدفنا هذا
. حنا نقول مشاعرنا الرافضه لهذا الهجوم.

تبين ياقمر أحيبلك آخر التبرعات وبالأرقام ؟

لاتظنين إنا نمن ولا يسعدنا وضعهم
والله ندعيلهم ونتبادل مقاطعهم الي تألمنا وندعي على اليهود
بس حنا بشرررررررر

أنا يا ياسمين من الناس الي يسافرون كثير نسكن فنادق نروح مطاعم نزور اسواق كيف نقاطع؟
ما أشتري ملابسي وملابس اولادي إلا من برى ولا عمري فكرت إن هذي المبالغ هي الي بتهزم الفلسطينيين!
الفلسطينيين لهم يوم نصر بشرنا الله فيه في القرآن الكريم وسيأتي لامحاااااله.
السعوديه يا ياسمين من أكثر الدول عطاء لأخوانا هناك
مارح يتضررون من ملابسنا ومطاعمنا الي نزورها.

كثير يستغربون من حدتي وحساسيتي لما تجي هذي السيره
لأنهم مايدرون ليش أثور وليش أغضب أكثر من غضب أي بنت هنا لأن فيه بنات نفس كلامي بس على أهدى.

انا يانسمه بنت رجل عنده وسام الإستحقاق الفلسطيني
بنت رجل توفا وفيه إصابه من حرب فلسطين
بنت قائد عسكري من قادة هذي الحرب
أبوي له مقوله شهيره عن اليهود وعن الفلسطينيين.. ردد مقولته معظم السعوديين
وحطوا عليها أغاني وشيلات
ميادين سموها على إسم ابوي مهو لأنه فلان إبن فلان ولكن لأنه البطل الي شارك في حرب فلسطين وحرب اليمن وحرب الحجاز وشارك في توحيد المملكه ومن رجال الملك عبدالعزيز ومن الي لهم مكانه عند حكامنا لأنه بطل حرب مخلص قائد شجاع ضحى بالكثير وعانت أمي وأخواني الكبار لما كان يودعهم ومايدرون بيرجع حي ولا شهيد

فأي كلمة جحود ونكران وسب وشتم أعتبرها خنجر مسمووووووم في قلبي تألمني وتثير غضبي لأبعد حد لأن أعرف إنا كسعوديين ماحنا كذى ولا حنا خونه ولا أنجاس.
وأعرف إن أبوي نسخه ممن سبقوه وسيأتي من بعده آلاف النسخ.

فإدعي ربي إنك ما تذوقين طعم الألم الي أذوقه لما أحد يوجهلنا هذا الكلام.

شرحتلك إنتِ بالذات ولأول مره لأن نظرتك لي تهمني وما ابيها تتغير
فلا تآخذين فكره عني إني أنانيه أو قاسيه أو مغروره

لا والله إني أبعد ما أكون عن هذا الكلام والي قدمته عائلتي للقضيه أكبررررر من أي تصور.