الجفاف العاطفي عند الزوج

لالا انتي مو فاهمه علي
أنا مو اندفاعيه ابد بالعكس وربي اني اكتم مشاعري كثير لان ماحب جموده قدام تصرفاتي وحركاتي له ابد .
هو يطلعني احسن الأماكن ومايقصر علي بشي .
لكن أنا والله العظيم مشكلتي المعضله اللحين اننا بالبيت ساكتين 😭 ياربي تخيلي سكوت واذا سألته وحاولت اسولف تخيلي يرد بكلمه فقط كأن الكلام بفلوس 😩😭💔 . بالأعياد مافيه هدايا ، إذا رحت عند اهلي وجلست بالشهور والأسابيع قسم بالله مايتذكرني برساله ولا شي . لدرجة اهلي مصدومين منه يقولون كيف كيذا مايسأل عنك انتي بخير ولا لا !!!
اهمااااله لي بالمشاعر الكل شايفه وملاحظه .

أنا حالياً بس ودي نسولف ونضحك والله ماشوف اني طلبت شي كثير ولا اندفاعيه بمشاعري قسم بالله . والله العظيم هذا الوضع انها ماترضاه اي زوجه اندفاعيه او غير اندفاعيه .

اغلب الازواج هكذا طبعهم
عاد تخيلي زوجي لاعنده اصحاب ولاشي انطوائي مراااا حده حد نفسه حتى اهله مايهتم فيهم ولايعرف يتكلم معاهم يعني لو اتصل بـ امه كيفك اخبارك وش الجدديد كيف خواتي مع السلامه ومايتواصل مع اخوانه واخواته الا بالشهر مره ولايتواصل مع اهلي ولايسال عن احد جااااااف بمشاعره ولايعبر لحد لويحبه موت ماقد سمعته والله العظيم يقول لـ امه ياقلبي او اي كلمة حلوه لوكلمته يتودد لها بالكلام يستحي ويضحك يقول انا كذا طبعي مااقدر

اما معي يتكلم ويضحك بمواضيع عاديه مايسكت بس يعبر عن مشاعره نادرا لما اكون عنذ اهلي بعيده عنه
الهدايا مايعطيني هدايا ولااشوفه يحن عليا او يهتم بي كنت لما يكون بالعمل وتاخر احرق جواله اتصالات ورسائل وياليته يرد عاد يصيح ليش تزعجيني وبعدها حلفت يمين مادق له ولا اطمن والان تغير هو اللي يتصل ويسال ليش ماتتصلي تتطمني وين انا او يقول لو اغيب شهر مادريتي عني ولاكاننا زوجك
اول الزواج كنت اقهررر وابكي لانني توهمت ان الزواجه كلها حب ورومانسيه ومدري ايش
وشفت زوجي جاف وماهو حنون واذا عصب يصير مايعرفني ويصيح عليا قدام اهله وانا ذا الشي يقتلني عاتبت مرات ومرات ولافاد بشي
انا انسانه فياضه بالمشاعر كنت احس بفراغ كبيرررر وزوجي جنبي وبالاخير تقبلت وضعي ورضيت وصرت مثله لااعبر له عن مشاعري الا اذا عبر لي ولا اكتب رساله وديه كل رسايلي جيب اغراض جيب كذا جيب كذا للبيت او بخرج مكان فلان وبس ههههههههههههههههههههههههههه
اذا كتب لي رساله حب ارد مثلها وخلاص
اذا كنت مريضه اتصل فيه يجي ع طول واشوفه متضايق عليا ويسال ايش اجيبلك ماتحتاجي يوديني مستشفى بس مايجلس جنبي ع طول يطرحني وينام وانا اكون بقمة تعبي مايسهر جنبي ابد بعدها تاكدت انه كذا طبعه ومابيتغير وبطلت ازعل واتضايق وتعايشت مع الوضع بهدوء وراحه ولوفي منه اهمال اتضايق شوي مدة قصيره وانسي احس ماعد اتاثر ومع صحباتي اذا اجتمعنا ارجع ذيك الفرفوشه الضحوكه اللي بايعه الدنيا والحمدلله
فـ ياعزيزتي مامعك الا الصبر والمعامله بالمثل والدعاء وشوفي لك خواتك صحباتك اخرجي معاهن اتكلمي واعتبري نفسك عادك عازبه وعيشي كذا لين يسهلها الله

أحس ان زوجي بيكون غامض جدا ومارح يعبر عن مشاعره .. بالعكس مارح ازعل انا ببادر بمشاعري وحبه وحبه رح أخليه يتعود على الكلام المعسول وكل ماكان كلامي عسل وانثوي حتى لما اوصف الاشياء بيتعود وبعطيه مجال يعبر عن مشاعره بدون ما اضحك عليها ☺️🫰🏼

ادعي ربي يسخر قلبه وكل جوارحه لك في طاعته واكثري من الحوقله، نصحت وحده من زميلاتي ودااااومت ع الحوقلة واتغير الحمد لله معها كثيييير

اقرأي عن حب الذات اتعلمي احضني نفسك واكتفي بنفسك بترتاحي كثير واكثري من الدعاء ثم الدعاء ان ربي يحنن قلبيه عليك