زوجي رافض نقضي للشهر

كيف طل يوم بيومه؟

مستحيل

لو قلنا جاب
علبة صلصه
علبة شوربه
كيلو كوسه
كيلو بطاطس.
علبة ملح
الخ..

هل بتخصينها بيوم واحد؟

مافهمت كيف الوضع هذا الصدق!

يعني طرالك صينية حلا ترسلينه يجيب مقاديرها بنفس اللحظه!؟؟

انا برأيي دايم احس انه اللي يقضي كل يوم بيومه يصرف اكثر من اللي يقضي بداية الشهر

لانه لما تكون اغراضك قدامك تعرفي قد ايه توفري وتعرفي احتياجات بيتك بالزبط والشهر الثاني حتجيبي نواقصك ووممكن يصادفك شهر يكون باقي عندك ارز او سكر او حليب و ماتحتاجي تشتري

دام ودك بهالشيء اجلسي مع زوجك جلسة صفاء واتناقشو وافهمي وجهة نظره واقنعيه بطريقتك

الحياة تجارب جربو شهر شهرين وشوفي اش الاحسن خصوصا انه الحمدلله زوجك مو بخيل ويجيب لك يعني مشكلتك بسيطة

لا تطبخين واطلبي من المطاعم والكافيهات وخليه يدفع
واذا سأل او فتح الموضوع قولي له اشتهيت الشي الفلاني والبيت مافيه مكوناته
او قولي الطبخه ناقصها مكونات والبيت مافيه وراح علي الوقت
او من الاخر اعطيه بالوجه انك بنت متعوده المطبخ يكون فيه كل شي تحتاجينه وان الطلب كل يوم بيومه ما يناسبك ومو كل ما اشتهيتي شي بتقدمين له معروض وطلب عشان يجيبه مو حياة هذي
اجل اندومي ومعلبات ومعجون طماطم تستاهل انك كل يوم تقولين له جيب ؟!
روحي بنفسك وخذي لنفسك اندومي ومعلبات والاغراض اللي تحتاجينها واذا اعترض وقال كل يوم بيومه قولي له هذي الاغراض لي انا فقط اما انت اللي يخصك جيبه كل يوم بيومه انا مو كل ما اشتهيت شي راح اطلب وانتظر تجيبه
فوق ما ان الطبخ متعب وان الوحده تجلس تفكر وش تسوي كل يوم بعد يوقف بطريقها زوج يتحكم بمقاضي المطبخ
واذا هو يفكر بالمصروف وعنده خوف ان فلوسه تنقص ويجي اخر الشهر مطفر ترى اللي يسويه مقاضي كل يوم بيومه هي اللي تطفر به لان اللي يشتري الاساسيات من الشهر للشهر يوفر و اللي تشترونه يبقى منه للشهر اللي بعده فما يضطر الواحد يشتري كل شي شهرياً يعني يمديه يوفر فلوس
اما اذا هو مكسبه او دخله المادي كل يوم بيومه هنا يختلف الوضع

يمكن تقصد انه يشتري بالحبه على قد الطبخه
هذي الحركه يسونها العزابيه اللي بعيدين عن اهاليهم اذا اشتهو طبخه يقضون على قد الطبخه فقط بالحبه مفرق لانهم ماراح يحتاجونها باقي الايام وتخرب اتوقع كذا والله اعلم

الحين والواحد مالي المخزن والثلاجة إلا ماينقص شي يومي عشان الطبخ

كيف عاد يوم بيومه!