زوجي رافض نقضي للشهر

يوم فهمت القصد وحطيت
نفسي مكانك عرفت هو ليش
يسوي كذى

يسوي كذى عشان ما يبي
يصرف واجد ويبي بس يوفر
الأشياء الضروريه

لأنك إنتِ بنفسك بتعجزين
من الطلب كل يوم
بتنسد نفسك جيب. جيب
بتحسين إنك زي الشحاده
وهو بعد بيقول انت ما تتعبين
من هذي الطلبات الي مهي ضروريه

ورمضان منحاله مقاضي شهر
ومقاضي كل يوم

إذا قمتي الصباح قرري وش بتسوين
اليوم واكتبي كل طلبات اليوم وزيدي عليها كم شغله ماتحتاحينها اليوم نفسه
وأكيد لو ماشاف هذي الشغله على السفره مارح ينتبه ولا يدقق إلا عاد لو كان الحُطيئه😑

خليه يعطيك فلوس واطلبي من كارفور
عروضهم حلوه دائما اطلب منهم
قولي له السوبر ماركت ارخص من البقالات
خذي اغراض اسبوع مو شهر
والاغراض اليوميه خذيها من البقاله اطلبي وهو يدفع
انتي اعرفي السبي اول هو عشان الوقت
ولا يبي يشيل اغراض ولا عشان الصرفيه ؟
بجميع الأحوال كل شي له حل اذا عشان مايبي يروح ويضيع وقت قولي نطلب
واذا عشان الصرفيه قولي له ٥٠٠ بالأسبوع
اوفر من طلبات يوميه ب ١٠٠ اقل شي

الفكرة ي بنات انه هو يوفر الرز يجيب كيس ١٠ كيلو يكفينا شهرين و والدجاج يجيب دجاج طازج يجيب اكثر من ٩ او١٠ حبات  للعشاء
لانه مايحب الا الكبسه عالعشاء،دايما
كل يوم يبغى كبسه ف متوفرة مقاديرها يوميا بماانه وجبتنا الاساسيه العشاء اماالفطور عالاتفاق نتفق انا وياه وش نفطر بكرة مثلا اسوي قرصان اوهويجيب عدس وفول وتميس وزي كذا
فيشوف ان مقاضي الشهر مالهااي داعي واي اهميه  القشطه والنوتيلا والاندومي وهذي الاشياء على اني لمن اوصيه يجيبها بس،تعبت ونااوصيه كل يوم ؟!

ترى القشطه والنوتيلا والاندومي وغيرهم من المواد الغذائيه مدة صلاحيتها شهور طويله يعني لما يشتريها ماراح تنرمي خاصة لو اللي تشترينه مو كثير يعني مثلاً اللي يجي 6 حبات مع بعض تستخدمينه بالحلويات او تغير الفطور
ومن شرحك اشوف ان زوجك لسه يصرف مثل العزابيه ويشتري اكل بطنه عشان تطبخينه له .
وانتي سوي مثله أصري انك تشترين اكل بطنك سواء اندومي او معلبات او مكونات الحلى
هو شخص يومياً يطلع برا البيت اكيد ياكل اللي نفسه فيه وانتي تجلسين تنتظرينه يجي عشان تاكلين معاه كبسته وفطوره
وملاحظه اخيره مو لازم تسوين مثل اهلك تبين كل شهر تشترين لانك تقولين لما تطلبينه يجيب
وممكن كل شهرين تحتاجين تشترين النواقص لانكم بس اثنين يعني شوفي احتياجاتكم لا تقارنين بغيرك

عادي التعب فيه مو فيك
بعض المشاكل ما تستحق ان الشخص يوقف عندها
لانها تعتبر تفاهه

اهم شي انه يوفر لك كل اللي تحتاجيه ولا يقصر عليك
حتى لو يقضي لك في كل ساعه