المقارنات بين الأقارب موضوع متعب ويواجهه كثير من الناس، خصوصًا في العائلات اللي عندهم حب التنافس الزايد أو التوقعات العالية. دايمًا نسمع جمل مثل:
*شوف ولد عمك متخرج ومتوظف، وانت؟
*بنت خالتك تزوجت، متى نفرح فيك؟
*فلان اشترى سيارة جديدة، ليش انت لسه على سيارتك القديمة؟
💡 ليش تصير هالمقارنات؟
ممكن تكون العادات والتقاليد: بعض العوائل تعوّدوا يقارنون بين أفرادهم بدون ما يحسون إنه شيء مزعج.
وممكن التنافس الطبيعي: كثير من الأهل يشوفون نجاح أحد الأقارب وكأنه "معيار" لازم الكل يوصله.
اوالغيرة أو الفخر الزايد: أحيانًا تصير المقارنات بدافع الغيرة، وأحيانًا ثانية بسبب الفخر الزايد بشخص معين في العيلة.
وللأسف مرات الرغبة في التحفيز: بعض الأهل يقارنون بحسن نية، لكن النتيجة غالبًا تكون عكسية وتسبب إحباط بدل التحفيز.
وماننسى ان المقارنات لها تأثيرها !
تخلق ضغوط نفسيه, وتقلل الثقه بالنفس,حساسيه بين الأقارب,جو منافسه غير صحي ,غير كذا تخلي الشخص يحس انه مو كفايه! حتى لو كان ناجح بطريقته الخاصه.
🎯 الحل؟
- نفهم إن كل شخص عنده طريقته في النجاح.
- نركز على التطوير الشخصي بدل مقارنة أنفسنا بغيرنا.
- نحاول نتكلم مع أهلنا ونوضح لهم إن المقارنة مو شي محفّز بل محبط.
