محتاره ياصحبات الخبره افيدوني

ومااقدر صحيا احمل*

وزوجي رافض احمل يقول مو لازم خلاص جبنا طفل يكفي وانا افكر فيه يبقى وحيد 🥲 ومسوين عزل طبيعي

اذا تبين نصيحتي خليه لين يكمل سنتين و احملي و بعدين اذا حابه تطولين بعدهم براحتك ع الاقل يكون معه اخ او اخت
انا نفسك جبت الاول و خفت يكون وحيد و حملت لما كمل سنتين و شوفيني الحين ابي احمل ولا ربي اراد الصغير الحين اولى ابتدائي و انا باخر الثلاثين و حمدت ربي اني جيت له اخ ولا قعد طول هالفتره لحاله وحيد 

والله يختي انا نفس حالتج تزوجت بال ٣٤ نطرت اول زواجي ٨ اشهر بعدين حملت لله الحمد جبت بنتي وعمري ٣٥

و طبعا لما صارت ٦ شهور او سنه زوجي يلمح اني احمل قتله لا تفتح الموضوع لما تكمل سنتين لان نفسيا و جسديا مو مستعده بنفس الوقت ادري اني مو صغيره بس صحتي اهم شي عشان اعرف اربي و اجابل و عندي خادمه

والحين عقب ما بنتي الله يحفظها صارت فوق السنتين حملت اللهم لك الحمد و حاليا بالشهر الرابع يارب يكون ولد و مرات ودي بنت عشان يصيرون خوات و ودي ولد عشان بنت و ولد وبس نعمه الله اعلم اقدر احمل عقب ولا لا

لان بعد ال٤٠ احس صعب خلاص متى بربيهم و بالنهايه اهم شي الصحه والعافيه والخلقه التامه …

وانتي تفاهمي مع زوجج ليش مايبي عرفي اسبابه وقوليله بعد سنين طويله ان شاءالله حلو يكون عندنا ٢ او ٣ اخوان لبعض الهم اهم شي يكون عن تراضي بينكم والله يوفقج

أنا 34حملت ع بكري وكانت 9 شهور ماخفيك فترة جدا متعبة وكلها مشاكل..بس كل شيء مصيره يصير ماضي ومافي حمل ماهو متعب اصلا وانتي حاملة جهزي للبيبي الجديد عشان تنسي التعب.
زوجك يعني راحمك الحمدلله أنا زوجي كان وده احمل وانا توي والدة.
تبقى الدنيا كلها احلام حققنا بعضه وبعضه ع الله ان شاء الله يجيب الخير وحاليا مافكر بصراحة والدة من سنة والحال صعب..الله يكتب اللي في الخير