زوجي متزوج بالسر وما قدرت صارحته

السلام عليكم اخواتي
أنا في ورطة ومصيبه كبيره💔💔
طبعاً أنا زوجي يحبني كثير وأنا كنت دايم أصد عنه لنفوري منه لا أعلم لماذا
رزقنا الله ببنت وولد وبعدها صار عندي وأنا في أول الثلاثين فشل مبايض وقطعتني الدوره
ما عدت أقدر أنجب كمان😔😔
طبعاً لما اكتشفت زواجة بالأدلة والبراهين في جواله زواجه بعد شهر طبعاً أخذ وحده مصريه صغيره ١٦سنه سلفيه على كلامه وما خذوا منه شي وزواجها كبييييير في الاسكندريه ومأخذ قاعتين وحده للرجال ووحده للنساء😓😔
المهم أنا طار عقلي وما قدرت أتمالك نفسي وواجهته
في البدايه جلس يصيح أنه انجبر وكلام شباب وعشان الخلفه يبغى عيال وأنه دخل فيها من تسع شهور وهي حامل الآن بشهرين وهو في مصيبه كبيره طيب طلقها الآن قال صعب ومدري إيش وقعد يلف ويدور 😓💔
أنا منهاره للآن ومو قادره أستوعب أبداً أبداً انه تزوج علي صرت له مثل الخاتم واترجاه وأول مره بحياتي يشوفني بهذا الضعف 😔
أتوقع أنه مبسوط😰
أنا أهلي ما علمتهم لأنه قال بالسر وأمس قال لازم أعلم أحد من أهلي أخاف يصير لي شي وتضيع حقوقها
بنات وش التصرف الصحيح مدري وش جاني ردت فعل عكسيه تعلقت فيه وصرت رومانسيه معاه كأني أول أيام زواجي 💔
حسيت حالي كنت أحبه بس مطنشته
والله مشاعري مو عارفه أحددها
وش أسوي الطلاق ما يبغى أبد لأنه يحبني
وقالي أصبري بس سنه لين تولد وأطلقها ونرجع لحبنا 😏
هل أصدقه ولا أكذبه أدري قال كذا بس عشان أقتنع بالواقع وأتعود
وقالي بصير كل يوم عندكم أشوف العيال وطلباتكم وهي أمرها في أوقات مختلفه ولها مبيت حسب الاستطاعه يوم يومين 💔
أنا استخفيت وانهبلت وبكيت قالي أبد حقها مع أنه في البدايه كان قايل لي إنها بالسر ووافقت بدون ليالي

أنا في مصيبه كبيره وش أسوي لا عندي ظهر ولا سند ولا أخ ولا أحد الجأ له بعد الله إلا أنتم
وش التصرف الصحيح

طبعاً امس أخذني وشرالي اغراض وملابس واشياء بحدود ثلاث آلاف وتحسينه فرحان اني معاه وانا والله كنت فرحانه كنه عريس وانا عروسه مغيب عقله
بس أنا كنت احترق من جوا وطول الطريق ماسك يدي يبسوها ويقولي فتره وتعدي
لكن لما اسأله وش الضمان يسكت ويغير الموضوع

وش اسوي 💔😭

3 تعليق 977 مشاهدة

شاركي في النقاش

سجلي الدخول لإضافة تعليق.

التعليقات

3
  1. @nasser1234

    ياقلبي عليك
    شي مو سهل انك تكتشفي انه زوجك متزوج عليك
    بس لاتصدقي انة زوجك تزوج عشان الاولاد اصلا ماشاء الله عندكم اثنين
    وبعدين راح اخذ وحده لساتها صغيره هذا دليل انه تزوج مو عشان الاولاد تزوج عشان نفسه
    ياقلبي انتي المفروض اول ماعرفتي ماكنتي مشيتي الموضوع بسهولة كنتي تكلمي اهلك وتروحي عندهم
    والله مو شي بسيط انه يتزوج عليك
    وليش تذلي نفسك وتترجيه وتلبي له كل طلباته بعد الذي سواه
    الله يفرج همك ويصلح حالك يارب
  2. @noor124

    هذا انتي مستفيده من زواجه

    يشتريلك وصار رومنسي معك

    ويهتم بمشاعرك

    وما انصحك انك تحثينه على طلاقها خلاص لانه تخبيب

    والله راح يعاقبك

    استفيدي انتي من الوضع

    فكري بعقلك وابعدي العاطفه على جنب

    فكري في مستقبل عيالك

    اقري تجارب زوجات معدد

    كثير عايشه مبسوطه
  3. @sgayaa34

    وعليكم السلام
    مو مشكله خليك رومنسيه معه عادي
    عشان تكسبينه
    وعشان ما يلقى الرومنسيه كلها عندها وانتي ماعندك الا التكشير والصد ،
    حتى يوم شافك رومنسيه معك جلس يراضيك ويوديك للسوق ويدفع ٣ الاف ترا مبلغ حلو الحين الشعب مطفر يعني ٣ الاف ترا حلوه معناها شاريك وشاري رضاك وانتي ام عياله لا تخلين الجديده تخطفه منك ،
    عادي استمري على رومنسيتك وجذبك له ويمكن مع الايام يرجع لك ويشوفك حبه الاول ويتعلق فيك اكثر ماتدرين كثير استفادوا من زواجه الثاني انه عرف محاسن الاولى يوم شاف عيوب الجديده

تابعي تجارب أخرى من هذا القسم.