المراهقات في المهجر...هموم...ومقترحات...

يظل جهد العائلة الفردي في المهجر صعبا وقليلا حينما لايكون هناك عوائل مسلمة تتعاون لتشكل (مجتمع) داخل المجتمع الغربي بحيث يكون من السهل التواصل وتبادل المعارف والتجارب والعطاءات فيما بينها...


ويظهر أن كثيرا من العوائل المسلمة تقصر في التواصل مع بعضها البعض بحيث يكون من الصعب على البنت تحديدا تكوين علاقات قوية تحميها من إغراء تكوين الصداقات غير المرغوبة


لاحظوا أنني أتحدث عن فترة يكون فيها عمر الطفلة من 12 الى 18 سنة وهي فترة يغلب عليها التأثر العاطفي بالصديقة ومن خلاله يتم اكتساب القيم ...

المراهقة في هذا السن ليست طفلة ...وتريد أن تكون قيمها بنفسها...

وحين تكوّن قيمها فإنها عادة تكوّنها بمساعدة خارجية (صديقة في الغالب)...

ولذلك كان من الواجب على الوالدين توفير هذا الخيار للمراهقة بالتواصل مع الأسر المسلمة وبتقريب المستوى التثقافي والفكري بينها ...وتعديد الاهتمامات بحيث تجد الطفلة مايشغلها ويبهرها في آن واحد ..


كتبت هذه الأهداف التربوية ال(عامة) التي يمكن للعائلات المسلمة أو تتفق عليها في اجتماعات المسلمين بينها...بحيث تكون أطرا عامة متى أمكن تحقيقها أو جزء منها على الأقل..فيمكن للعائلة ا، تشعر بأنها فعلت شيئا لابنتها بخصوص وضعها على الطريق المستقيم بحول الله وعونه:


تتسم الأهداف العامة بأنها مطاطة وكبيرة ويتم تحقيقها في فترات زمنية طويلة (عمر كامل_مرحلة عمرية طويلة ) وغير قابلة للبرمجة على شكل قابل للتنفيذ ولكنها تحتوي داخلها الأهداف المتوسطة المدى والقصيرة المدى والتي هي بدورها قابلة للبرمجة والتنفيذ على شكل تخطيطي مدروس


دعونا الآن نتحدث عن الآهداف طويلة المدى (العامة) وسنتطرق لنماذج متعددة من الاهداف المتوسطة المدى فيما بعد:

1_الحفاظ على كينونة الإيمان بالله تعالى ، وغرس قدسية الدين والنصوص المقدسة (القرآن الكريم والسنة النبوية ) وأركان الإسلام الخمسة وتعاليم الإسلام الكبرى في نفس المراهقة..

طبعا هذا الهدف يبدو مطاطا وضخما جدا جدا...وتنفيذه ليس سهلا بالطبع ...ويمكن برمجته عبر مجاميع من الأهداف المتوسطة والقصيرة ...ولكن على فترات طويلة وممتدة من الطفولة المبكرة وحتى نهاية سن المراهقة..

2_مساعدة المراهقة على إيجاد نفسها داخل المحيط غير المسلم .....لأن عملية إيجاد الذات هي أولى مراحل الوعي الإنساني التي على اساسها تبنى كل القيم الشخصية والفكرية والثقافية للفتاة (والانسان عموما)

فالمراهقة التي لاتجد نفسها لايمكنها ان تحمل قيمة سلبية او ايجابية...والانسان الفاقد لذاته لايمكنه أن يصطبغ بثقافة محددة...فهو كالماء يأخذ شكل الوعاء الذي يحتويه..
طبعا هذا الوعي بالذات المسلمة عند المراهقة يتم عن طريق شيئين :

تعزيز شعور الاختلاف في نفس المراهقة عن المجتمع غير المسلم..

تعزيز الاندماج الايجابي في المجتمع غير المسلم بالشكل الذي يكفل تكوين شعور العزة بالنفس والهوية الإسلامية من جهة...وشعور التفاعل الثقافي المتسامح والمنتج مع الآخر من جهة أخرى...

أي أننا في هذا الهدف نركز على خلق استيعاب كافي في عقل المراهقين لفلسفة الاختلاف والتمايز عن المجتمع غير المسلم والتي تؤدي إلى الاندماج الايجابي وليس الانكفاء السلبي...

وإشعار المراهقة بإيجابية الاختلاف وأن الاختلاف ليس شيئا سيئا إن لم يكن شيئا حافزا لها للعزة ...فهي تملك مالايملكه الآخرون...ولكن على هذا ألا يشعرها بالغرور أو الاستعلاء...

ولكن عليه أن يشعرها بالمسؤولية أكثر ...وأنها تحمل في حياتها رسالة...

5_لسعي لتحقيق شعور المراهقة بالاستقرار الايجابي والفاعل داخل أسرتها المسلمة، وتهدئة الاضطراب الطبيعي الناشىء والمصاحب لفترة المراهقة،

هذا الاضطراب ينزع إلى التقليد والمحاكاة والتمرد على السلطة الأبوية عادة...وهذا الاضطراب المؤقت يمكنه أن يتفاقم ويصبح مزمنا حينما يسيء الوالدان التعامل معه..

6_السعي لإيجاد مواطن الاستثمار في شخصية المراهقة عبر تفجير طاقاتها الكامنة واستغلالها وتطويرها من أجل أن تشكل مستقبلها فيما بعد، ماأمكن...


هذه الأهداف العامة عادة هي أقصى مايتمناه الوالدان من المراهقين ...



وإن كنا نتمنى طبعا أن نخلق مبدعين ومبدعات ومتفوقات ووووو


ولكن:)


هذه النجاحات الضخمة عادة تولد فيما بعد...


دعونا الآن نشكل مراهقتنا الحلوة...الجميلة ...والمعتزة بدينها...والمتفاعلة مع مجتمعها والواثقة من نفسها وهويتها الى حد الايجابية ...


يتبع ياحبيبات...واتمنى التفاعل منكم اكثر واكثر...بانتظار مشاركاتكم ...


ولقد قرات مشاركات الاخوات وسرني جدا جدا هذا التفاعل الرائع...

السلام عليكم
جزاكم الله على الترحيب.... اما بعد بخصوص ما قالته الاخت بدوره في النقطه الاولى و الثانيه فان الطفل يكون ضائع ما بين ما يراه و يسمعه بالبيت و بين ما يراه في المدرسه و على التلفاز و للاسف في اغلب الاوقات يتعامل الاهل مع اولادهم على اساس المجتمع العربي .اذا المشكله هنا عدم وجود ربط بين الحياه الغربيه و العادات الاسلاميه
على الاهل محاوله الاقتراب من مجتمع المدرسه و النضام هنا لانه سيساعدهم في فهم احتياجات اولادهم في المجتمع الجديد
الشئ الجيد في كندا هو وجود ناس من جنسيات مختلفه يعني ما في حدا احسن من حدا و على البنت فهم انه مش لازم تكون تصرفاتها مثل باقي البنات حتى fit in بل على العكس احيانا الاختلاف يكون هو سبب بداية صداقه
البنات اللي تاسسوا و كانت طوفلتهم بمجتمع عربي محافظ مش معناه انه هاد ظمان للمستقبل لانه عن جد بطلت اتفرق القصه. لازم يكونوا الاولاد مشتركين بنشاطات اسلاميه في مناخ اسلامي يعني فريق كره للمسلين مثل MYLC او الاجتماعات اللي يعملها مؤسسات مختلفه هون
لازم يكون في حواربين البنت و امها او ابوها و يقعدوا و يدردشوا بكل شي على راحه و هذا احيانا لا يحدث لشدة انشغال الاهل و بالتاي تلجا البنت لصديقه لكي تفضفض و مش دائما تكون الصديقه محل ثقه او تعرف تعطي النصيحه الجيده
لسه عندي حكي كتير ..... ان شاء الله يكون اللي قولته مفيد و لي عوده في وقت اخر ان شاء الله
سلام عليكم

الاخن رغد والاخ بسمه

الله يوفقكم دنيا واخره

كل الي بتكتبوه منتجارب انتم مريتو فيها بتفيد الغير

الله يجعله في ميزان حسناتكم، ياريت كمان تحكولنا عن تجارب اكثر انتم مريتو فيها سواء قدرتو تحلونها اوما قدرتو وتشرحو لنا كيف قدرتو تحلونها وياريت تعلمونا كيف تعاملتو مع الي يستهزؤء بدينكم وبحجابكم داخل ؟؟؟؟؟؟ وهل فيه طلبه من غير المسلمين( الكندين الاصل) تعاطفو معاكم لانها بتفيد الغير والاهم انها في ميزان حسناتكم باذن الله

بدورة
ماشاء الله النقاط جدا واضحه واتمنى فعلا انه الاهالي يحاولو يتبعوها ..بالذات نقطة محاولة فهم المجتمع الغربي اللي عايش فيه اولادهم ..

حابه احكي لكم شو عن تشجيع اطفالكم على تكوين شخصية مسلمه داخل نطاق مجتمعهم الغربي..
طبعا حكيت عن اهمية اندماج طفلك مع المجتع الغربي (بحدود) لكن ما بنسى انه مستحيل نتجاهل اهمية جعله يقف لشخصيته المسلمه حتى مابين انخلاطه بالمجتمع..

سبق وحكيت عن هالمووضوع في مواضيع كتير بس راح ارجع عيد
الصلاة الصلاة الصلاة
لو ابنك او بنتك ماعرف اهميه الصلاة وماوصل لمرحله انه يزعل ويتضايق لما تفوته صلاة معناتو اعرفي انه كل اللي عم تحاولي معاه في التربيه راح عالفاضي ..
المدارس راح تكون عائق كبير لأبنك او بنتك عشان يصلو الصلاة في وقتها وانتي لازم تحاولي بقدر الامكان انك تشيلي من هالعائق
اول خطوة بدك تشوفي اذا المدرسه فيها غرف للصلاة او مثل مايسمووها multifaith room
طبعا غالبية المدارس ماعندهم لأنه للأسف نادرا نادرا مايتم طلب هذه الغرف لدرجة ماعاد تعتبر مهمه وانصرف عنها النظر نهائيا ..لكن هذا مو معناتو انه خلاص تقفلت في وجهك لا..

اعطي ابنك/ابنتك سجادة صلاة فيها بوصله وخليه يتركها في الـ locker (الخزانة- الدولاب) اللي نملكه في المدرسه. وعلميه انه اي مكان ممكن يصلى فيه .. علميه انه صلاة الظهر لازم مانتأخر عنها لو كان على رقبتنا.. ذكريه كيف كان المسلمين يصلو حتى في اقسى الظروف وفي الحروب فايش معنى احنا مانصلي؟؟
تحت الدرج او برا على العشب الاخضر او في طرف لمكتبه او في ممر فاضي كلها اماكن ممكن يصلى فيها انا شخصيا تحت الدرج كان غالبا المكان (وحده عايشه في الثانوي تحت الدرج هههه) لا بس بجد كنت اختار درج يكون ماهو زحمه والرايح والجاي يمره واختاره بحيث تكون القبله انه الجدار ورا ظهري عشان اكون ملمه وعارفه باللي عما يصير حوالي ومنتبهه وانا اصلي ..
يابنات الصلاة ممكن تخلص بخمس دقايق علمو اطفالكم اهميتها لأنه الصلاة تنهى عن الفحشاء والمنكر صدقوني ازرعو الايمان في قلوبهم بدل ماتزرعوه في عقولهم ..

في مدرستي ما ادري ليش كان بس في رمضان يفتحو لنا غرفه للصلاة! لأنه مدري مين مفهم الادارة انه احنا في رمضان لازم نصلي وباقي الايام مو مشكله!!
يعني ان دل هذا على شي دل على انه مافي شي مستحيل وممكن اقناع الادارة لو اجتمعت كلمة المسلمين ولو اتفقتي مع اهالي مسلمين وحكيتو سوا ..

صلاة الجمعه ..كثير من المدارس لاتقيم صلاة الجمعه فيها. ممكن تقولي ابني لسه صغير. ابدا ابنك راح يكون مابين عمر 12- 18 يعني على الغالب بالغ ومكلف بصلاة الجمعه.
هذي من الشغلات اللي لاااااااازم تتأكدي انها موجوده في المدرسه وان ماكانت موجوده لازم تبدأيها وتحاربي الادارة انها توفرها للطلاب...

مدرستي كان فيها مسلمين كثير حوالي 1000مسلم يعني اللي المفروض يصلي الجمعه كثيييييييير لكن اول ماجينا عالمدرسه كانت صلاة الجمعه تقام في غرفة صغيرة ويصليها ثلاث اولاد فقط (تخيلوا!!) ويصولها غلط في غلط اصلا
لما بدأت في مدرستي كان اخي الكبير يدرس سمستر بالمدرسه عشان اللغه الى ان يجيه قبول الجامعه يعني عمره طبعا كان فوق 18 فالحمد الله كان من حظ المدرسه انه اخي كان موجود لأانه قال مستحيل موضوع صلاة الجمعه يستمر بهالشكل.
فصار كل مايشوف مسلم في المدرسه يقوله صلاة الجمعه في الوقت الفلاني اشوفك هناك انت كمان مو انت مسلم؟ صلاة الجمعه في الوقت كذا اطلع من الحصه وتعال صلي كلها خمس دقايق وانت بعد وانت بعد وانت وانت ....الى ان جمع حوالي اربعين شاب وهالاربعين شاب صار كل واحد يدل اصحابه الى ان اجتمع في صلاة الجمعه 300 مصل =)
وقتها طبعا اخي طالب الادارة انها تعطيهم اكبر غرفه في المدرسه وعطتهم ياها بعد مناقشه طويله عريضه ..
مدرستي كانت ظرف خاص. على الرغم من وجود حوالي مسلمين كثييييييييييييير الا انه حقوقنا كمسلمين ماكانت ممارسه بسبب مديرة المدرسه اليهوديه كان لها واسطات وسلطة فظيعه و كانت خانقتنا بشكل فظيع بس باخر سنه تغيرت المديره وبدأت الامور تتحسن وللأسف ماعندي ادنى فكره عن وضعية المسلمين في المدرسه الان ...

المهم بعد عدة اسابيع صار تقريبا المصلين 500 مصل.. وقتها طبعا بدأت انذارات الخطر عند الادارة انه في شي غريب يجذب كل هالطلاب يطلعو من حصصهم عشر دقايق عشان يسووه.. وفجأة قفل المديرة غرفة الصلاة ومنعو الصلاة!!
(وهالحكي كان في ابرد ايام السنه لما كانت الثلوج حوالي عشرين سم على الاقل)..
وقتها جا اخوي وواحد من اصدقاءه اللي ساعدوه بكل مشوار الصلاة وقالو للمديره جمله واحده:
احرمينا زي ماتبغي لكن احنا لما نبغى نصلي راح نصلي، حتى لو كان معناة هالشي انه نمد سجادات برا في عز البرد وفوق الثلج ونتجمد عشان نصلي الجمعه ماهمنا ..
وتلفون واحد لجريدة التورنتو ستار والميسساجا نيوز والجلوبال ميل وغيرها من الصحف والاذاعات المحليه خليهم يجو يتفرجو على 500 طالب يصلو في الهواء الطلق فوق الثلج متجمدين عشان مديرتهم (حرمتهم) حق حرية دينهم!!!
طبعا وقتها المديرة ماااااااااااااااتت خوف وفتحت غرفة الصلاة (غصبن عنها) واللي مايجي بالذوق يجي بالقوة..
المغزى من القصه انه صلاة الجمعه مو من المفروض يتهاون فيها ابدا وكل شي ممكن لو حكينا وطالبنا بحقوقنا كمسلمين..
لأنه بكل بساطه كيف تبغاني اعطيك شي انت ماطلبته مني؟

والله صلاة الجمعه كانت احد الاسباب اللي احس انها تحفظني للأسبوع اللي بعده باذن الله. تحسي بجو روحاني وسط جو المجون اللي عايشين فيه وما احلاه من شعور فعلا يريح القلب ويعطي السكينه..


الصيام ..وما ادراك مالصيام
من اصعب الواجبات الاسلاميه في المدارس الكنديه كانت بالنسبة لي الصيام..
تروحي الصبح للمدرسه كل الفصول مقفله والمكتبة مقفله ومالك غير الكافتيرا تجلسي فيها
وريحة الكوكييز والمفن والكيكات تنخبز تدخل جوا نافوخك ههههههههه اااااه بس فعلا انواع التعذيب
ووقت الغدا ياعيني على وقت الغدا الكل عم ياااااااااكل وريحة الاكل اللي يمكن الايام العاديه مابتحسي فيها اد رمضان ..
لما ترسلي ابنك للمدرسه على اساس انه صايم .. هل برايك راح يظل صايم؟؟ ويصبر لحد الساعه 3 العصر؟
للأسف اغلبية المسلمين اللي كنت اعرفهم كانو يفطرو في المدرسه لعدم تحملهم ومن غير مايعرف اهاليهم..
لما كنت بالسعوديه ماعمره اهلي يعني ناقشو قضية الصيام واهميته يعني كان مجرد شغله كل الناس تسويها في رمضان وفي المدرسه اصلا الكل صايم ومقفل الكافتيريا يعني الجو مناسب للصيام...بس بالغربه لازم تبذلي جهد ضخم مع اولادك في شرح ليش منصوم وشو اهميته وشو ثوابه ووووو..
مع انه انا بقول اللي اولادها درسو الابتدائي في الغربه المفروض انه يكونو متعودين من طفولتهم وتكون الام عم تصومهم على الاكتر من صف تالت او رابع والمدارس الابتدائيه كتيييييييير بتراعي الاطفال اللي بيصومو وبتحطهم بالمكتبه لحالهم وبتخاف على مشاعرهم انه يشوفو حدا عم ياكل مو متل الثانوية ماحدا سائل عنهم...

طبعا بعض الحلول بالنسبة للصيام انك ماتعطي ابنك فلوس في رمضان لأانه لو معه فلوس راح تغريه انه يشتري فيها ...ولومامعه فلوس ماله وسيله انه ياكل ..
ماتخلي ابنك او بنتك يروحو بكير عالمدرسه يعني وقت الدوام على طول عالصفوف مافي داعي يمر بمرحلة ريحة الكوكيز ومعروف ريحة الخبز جدا راائعه
شغله تانيه كمان لو كان البيت قريب انه يروح البيت فترة الغدا انا كنت دايما اجي عالبيت في رمضان بجي بصلي وبغسل بشوف لي مسلسل برمضان وبرجع عالمدرسه ^_^


اخر سنه الي بالمدرسة تحسنت امورنا شوي متل ماقلت وسمحو لنا نعمل افطار جماعي ونعزم عليه الكنديين وكان يوم جدا رائع حضر جميع الستاف في المدرسه وحضر كل المسلمين وزيادة عليهم حوالي 200 كندي
الافطار كان مجاني طبعا جمعنا تبرعات غطينا التكلفه لأنه كنا فرحانين بالمديره الجديده وكنا مستعدين نسوي اي شي عشان الافطار الجماعي.. وكتير من الاهالي ساهمو معنا الله يجزيهم الخير بتذكر ماما يعطيها العافيه سو 500 بقلاوة ياقلبي عليها قضت اليوم كله فيها وفي ناس عملو السلطه ناس ساهمو بشرا الاكل ..
البرنامج كان انه عطينا اول شي كلمة عن جماعة الطلبة المسلمين وشو بنعمل ومين رئيسها وهيك شي ..وبعدين عطينا كلمة عن رمضان وايش الهدف منه بعدين سوينا فقرة ترفيهيه فيديو بسيط والكل انبسط كتير وعرفنا المدرسه بالصيام وبرمضان بطريقة جدا رايقه...
وهي شوية صور

اول شيي رتبنا الكافتريا والطاولات ورقمنا الطاولات عشان مايصير لخبطه لأنه نحنا المسلمين كتير منظمين اسم الله علينا :hahaha: ..


نحنا سوينا صلاة المغرب في الجيم وحطينا طاولات للفطور بس للتمر والمي وهون وقت اذن المغرب طبعا الصورة لقسم الاولاد ..



هي صورة بعد مارتبنا الكافتيرا لايفوتكم البانر اللي علقناه ههههههههه عمركم لاتعتمدو على الشباب في الديكور ماعندهم سالفه :22:


طيب لكل جماعة مسلمه لازم يكون لهم رئيس من الستاف والي كان علينا مسؤول هو هادا وهي المديره عم تعطي شهادة شكر لواحده من البنات اللي كانو مسؤولات عن الام اس ايه (جماعة الطلبة المسلمين)



وقت الاكل ^_^ الكباب سوا ضجه اعلاميه كتبو عليها الستاف في الجريده ههههههه


وهي صورة عامه والنكته كانت اننا فصلنا البنات عن الاولاد والستاف كمان فصلناهم ههههههه واجو المعلمات استغربو قالو ما حنا طول الوقت مع الستاف الرجال بس قلنالهم معليش خليكم مع قسم البنات اليوم هههههه ...




ابنك وابنتك بامكانهم تأسيس شخصيه مسلمه داخل المجتمع الغربي ان قمتي بتشجيعهم ..
لاتزرعي الخوف من دينهم لأانه دين الاسلام مابيخوف
خليهم يفخرو انهم جزء من هالدين وخليهم يساهمو في نشره حتى لو كانو (مراهقين) لأنه اهم اسبا حفاظ ابناءك المراهقين من المصايب هو انك تتركيهم منشغلين بأمور اخرى مفيده وممتعه

ياليت لو اجت بسمه تحكي لكم عن نشاطاتها الدعوية في مدرستها ^_^
بسمه كانت رئيسة الطلبه المسلمين في مدرستها وثانويتها حققت نشاطات اسلاميه ودعوية احسن من اي ثانوية تانيه ..


لي عوده مع اضافات اخرى واجابة بعض الاسئلة ..

رنيـم:26:

شكرا لصاحبة الموضوع أولا
وشكرا أيضا لكل من ساهمت فيه
وشكر خاص للأخت رغد الحياة .... كل ما أقرأ لك مواضيع أو كتابات "فقط قرائة" بحس بعز كبير بأني مسلمة وفي كندا ... الله يسعدك دنيا وأخرة ... استمري بتفتيح صورة الاسلام والمسلمين وتبييضها ونحن معك ان شاء الله... حفظك الله من كل مكروه