سالتي ليش 🤔

لماذا المرأه تتقبل فقر أبيها
ولاتتقبل فقر زوجها ؟؟؟

50 تعليق 2,677 مشاهدة

شاركي في النقاش

سجلي الدخول لإضافة تعليق.

التعليقات

50
  1. هلا ياقمر
    ومبروك علينا وعليكم العشر.

    مافهمت كيف يعني ماتتقبل
    فقر زوجها؟
    في الأصل انها قبل تتزوجه عارفه
    وضعه الإجتماعي
    فيبقى هذا خيارها
    ومو من حقها تعترض عليه.

    لكن لو فقر بعد
    ماتزوجها فيبان
    أصلها ومعدنها
    تصبر وتتحمل.

    وكثير والله شفنا
    حريم صابرات ومتحملات.

    الأب عاد ماتعترض البنت
    على أي شي فيه
    لأنه ابوها وهي طفلته
    وبنته وحبيبته
    تشوفه كامل ولو نقص
    مُصيب ولو أخطأ
    وكريم ولو بخل

    الله يرحم أبوي ويجعله
    في جنه عرضها السموات والأرض
    وأموات المسلمين أجمعين
  2. @just_raya

    لانها ماكانت مخيرة في عائلتها
    جات على هالدنيا وهذي امها وهذا ابوها
    لكن في زواج عندها حق ترفض او تقبل
    لما تقبل الشخص وبعدين تكتشف ان اوضاعه الماديه سيئه او ماراح يقدر يعيشها العيشه اللي ودها فيها تحس بالقهر
    تقول ( لو صبرت كان ممكن يجي نصيب احسن )
  3. قصدك ماترضى تتزوج واحد فقير
    فمن حقها
    ابوها وضعه مااختارته ولا كان لها يد فيه
    لكن حياتها وزوجها واولادها
    هي مسئولة عنها
    يعني ماتبغى واحد فقير ولا تعيش هي وعيالها حياة الفقر
    فمن حقها تختار اللي يناسبها ويرضيها
    ولا هو عيب ولا حرام

تابعي تجارب أخرى من هذا القسم.