ورحلت بنت زينه💔

قد تهاوشت معها
بس ندمممممت
وصرت والله أحبها
وأحب مواضيعها.
وسولفت معها وعلمتني من وين
ووش سبب ضعف الإملاء عندها.
الله يسعدها

حبيبتي روعه
الله يسعدك سعادة الدارين

حتى أنا استغربت من سلامة إملاءها في الوداع
لكن صدقيني ياكاتبه لها أحد
أو مستعينه بالمصحح عشان
الكل يفهم.

وعندها مضمووووون جميل

السلام عليكم
الله يتقبل طاعاتكم وصالح اعمالكم

الله يهديك وش هالعنوان بالي راح بعيد💔
اول شي الله يوفق بنت زينه ويسعدها ويسهل امرها وين ماكانت والله يسخر لها ملائكة السماوات وجنود الارض وخيرة خلقه .
ثاني شي مو اول مره البنت تطنقر وتكتب كلام وتروح ثم ترجع بعد فتره تكتب 10 مواضيع ورا بعض
وياما كتبت مواضيع تتذمر بطريقه فيها تقليل من المواضيع اللي يكتبونها الناس وترفيع لمواضيعها
ويا ما عبرت بمواضيع انها مو لاقيه التفاعل بالمواضيع اللي يكتبها شخصها الكريم
وبناء على هذا التوجه جاها الرد اللي يتناسب مع كلامها
ما اشوف انه فيه تقليل او انتقاص او سخريه منها
وانا شخصياً اكثر من مره علقت لها من بداياتها زمان بعضويه ثانيه وشجعتها رغم اني ماكنت افهم مضبوط اللي تكتبه لكن بعدين هي بدأت تتذمر مثل ماذكرت من عدم التفاعل مع مواضيعها وانا من نيه طيبه اقترحت عليها تحسن الاملاء وتستثمر وقتها في تطوير لغتها واملائها بدال ما يكون وقتها في حشو مواضيع غير مفهومه
ومن بعد هذا الكلام عادي مرت الاسابيع والشهور هي تنزل مواضيع ومحد يتفاعل معاها وبرضو رجعت تكتب موضوع تتذمر وتقول بمعنى الكلام ان المواضيع التافهه اللي فيها هواش التفاعل صفحات كثيره وهي مواضيعها المفيده العبقريه اللولبيه محد يقراها
البنت حاسه انها محور الكون هنا او متوقعه ومتخيله انه لازم يكون لها اهتمام خاص هي المعلمه واحنا التلاميذ !
لو تتصفحين مواضيعها اكيد راح تلاقين فيها التذمر والطنقره والشعور بإن العضوات يغارون منها وحتى الاداره !
واحنا هنا كلنا سواسيه محد احسن من احد
والامور لا تؤخذ بالعاطفه البحت لازم شوي عقل ومنطق
واذا رحلت او بقت مالها إلا الاحترام والتقدير لانها شخصيه محترمه ومسالمه في حالها

وهذا رابط احد مواضيعها اللي اخر الشهور انا رديت عليها وواضح من تعليقي انها مو اول مره ولا ثاني مره ارد عليها بخصوص اللي تلمح له او تصرح به احيانا

https://hawaa.sa/aMQYY6djw5

وهذا موضوع برضو ذكرت فيه بعض من التذمر وانتي رديتي عليها فيه

https://hawaa.sa/zjYyxgo09D

وفي موضوع بعد قالت الى اللقاء ومدري وش كتبت كلام وجهته للناس اللي بالمنتدى وحطت رابط قناتها وراحت
بصراحه تعاجزت ابحث اكثر واجيب الرابط لان مواضيعها كثير

لكن اللي بقوله لك الحق تثنين عليها وهي تستاهل الثناء لكن ما حبيت انك بطريقة ما ،توجهين اللوم للعضوات على موضوع الوداع
بكرا تلاقين 10 مواضيع بالقسم بعضوية بنت زينه والامور طيبه
لا ترهقين مشاعرك وتفكيرك في مثل هذي الامور خليك معتدله وريحي راسك