حياتي مافيها مواقف

كتبت الكلام ومسحته مادري من وين ابدأ عندي مشكله غريبه شوي حياتي مافيها مواقف اذا جلست مع صديقات او بنات خوالي اسمعهم يسولفون ماشاء الله سوالفهم ماتخلص عن مواقفهم عن اي شي الا انا ساكته ماعندي مواقف ولا سوالف ولا شي ماعندي حتى سوالف قسم بالله صرت استحي وبرضه قاعدين يسولفون عن وحده من المشهورات وعارفين ابسط التفاصيل عنها حتى المشهوره ذي توي عرفتها منهم بنات تشوفونه شي عادي ولا لا ان ماعندي مواقف زيهم ولا شي نهائي

12 تعليق 779 مشاهدة

شاركي في النقاش

سجلي الدخول لإضافة تعليق.

التعليقات

12
  1. مافي احد بهالحياة ماتمر عليه مواقف وتجارب
    اللي يفرق هو ذاكرة بعض الاشخاص
    وكمان لسانهم
    يعتي في ناس لسانهم طلق
    ويحكو ويتكلمو عن اقل موقف
    وفي ناس ذاكرتها قوية وتتذكر اتفه شي
    انتي ممكن مو من اللي يدقق فتمر عليك المواقف وماتوقفي عندها
    وممكن مالك في السوالف وماتتكلمي
    فيصير وقت الكلام ماتعرفي تسولفي
  2. @zumurudah

    ترا موشرط تكوني انتي غلط يمكن سوالفهم ماتناسبك ماتتفاعلين معهم
    والديل تكلمو عن مشهوره انتي ماتعرفينها الجوال صار بيد كل احد وكل شي صار معروف اهتماماتك مو زي اهتماماتهم وهذا شي نادر بهذا الوقت
    بالعكس اطلعي معاهم وانبسطي ب الأستماع لهم عندك موضوع انتي حابه تتكلمين عنه يهمك قوليه
    مو شرط يكون نفس اهتماماتهم
  3. @noor124

    طيب الي صارلك مع صديقاتك الحين موقف ومليان مواقف

    هم يختلفون عنك ان عندكم مهارة الحديث والتحدث الشيق والتعبير انتي ابدي مع محيطك عبري وتحدثي عن ايش شفتي ايش حصل ايش سمعتي انقلي كلام قصص

    شوي شوي تصيري زيهم

    مع ما انصحك بكثرة الكلام ولكن اذا حابه تجربي مافي مشكله اهم شيء يكون كلام مباح مافيه غيبه ونميمه وسخريه واستهزاء
  4. @ghym_ngd_1

    يمكن ماتطلعين كثير والا مو موظفة طبيعي مايصير عندك احداث ومواقف
    وترى عادي اذا انت بيتوتية ومبسوطة على كذا مافيه غلط بالموضوع
  5. @am_rashd2000

    انتي مع كل الي حولك كذا ؟!
    لا عادي انا تقريبا مثلك يعني عندي سوالف حتى لو مواقف تكون بسيطه اقولها اذا مافيها شي وماتكون خاصة .
    انا اخذ راحتي مع امي و زوجي سوالفي هذرتي اكثر مع امي و ريلي وفي ميالس الحريم ماتشوفين لي حس هههه انا كذا ومتقبله نفسي وعساني ماعرفت عن المشهورات اي وحدة تقولي حتى اختي تقولي كيف ماتعرفين فلانة اقولهم ليش شفيها اذا ماعرفتها صحابية مثلا ، بنت عمي فلان فلان ! اقولهم تعرفين صحابية سودة بنت زمعة، وام المساكين او اول ممرضة في الإسلام! يسكتون او يقولون شدخل ذي بذي اقولهم بعد من هي عشان اعرفها ، إذا مر علي اسمها باعرفها.

    مو كأني طلعت من الموضوع 🤣🤣
    اختي عادي مافيها شي بس انتي بعد حاولي تفتحين موضوع وسألي الي في بالك مع صديقاتك وقولي رايك وان شاء الله بتشوفين روحك تسولفين اكثر

تابعي تجارب أخرى من هذا القسم.