عجائب حواء

تهمل نفسها
لبسها
زينتها
جسمها
ولما يتزوج زوجها عليها
تبدا تهتم
وتلبس وتتجمل
وتشد وتلصق وتنفخ وتلزق
وتحط نفسها في موضع شفقه
وممكن حتى سخريه.

ليش تنتظر الوحده هذي المصيبه عشان
تصحي الأنثى الي نومتها سنين؟

خلاص وقع الفاس في الراس
أنا ضد هذي التصرفات لما الوحده
يتزوج عليها زوجها.
أحس انها ترخص نفسها أكثر
مما أرخصها بزواجه عليها!
يعني وش تتوقع بيسوي؟

مدري ليش يستفزني هذا الشي.

33 تعليق 2,018 مشاهدة

شاركي في النقاش

سجلي الدخول لإضافة تعليق.

التعليقات

33
  1. @zumurudah

    احسها ردة فعل يمكن اللي ترجع تهتم بنفسها اثبات لنفسها انها جميله ترضي نفسها
    موشرط تدور رضا الزوج
    من قهرها الوحده تقعد تهتم بنفسها وشكلها انتقاما من الفعل نفسه يمكن
  2. @aanod_fhd

    هذا هو الصح، وتصحى متاخر احسن من انها لا تصحى ابدا
    والتزين للزوج مطلب شرعي، وليه مستفزتك؟ وليه تعتبرين فعلها استرخاص؟ المفروض تفرحين لانها تعدلت ولانها قامت بحسن التبعل.
    وبعدين من هي الي بتسوي كذا الغالب اول ما يتزوج عليها تشيل اغراضها ولا على طول بيت اهلها
  3. @aaoatf_trky_2

    عندي قناعه ان زواج الذكر بالثانيه ماله علاقه بشد ونفخ ومط خلقة زوجته
    هو يحب النسوان ويبي يتزوج ويستمتع بتجربه جديده لا اكثر
    اما بخصوص الزوجه الاولى اللي تسويه من مبالغه في التجمل بعد زواجه بالثانيه كله عباره عن تأثير هول الصدمه
    بلا وعي منها تقص وتصبغ وتشد وتمط وتنفخ وتقصر ملابسها وتتشخلع وتخترع ليالي رومانسيه وتتصنع الغنج والدلع كمحاوله لا واعيه منها انها ترجع حياتها مثل قبل
    وبرضو لها جانب نفسي مثل انها بطريقة ما ،جالسه تجلد وتلوم نفسها وتحط بنفسها العيب لانها تشعر انها ليست كافيه بالنسبه لزوجها
    مع ان الغالبيه من النساء بهذا الزمن مهتمات بأنفسهم وزينتهم وكشختهم
    اما اللي تبدأ تنفخ بوجهها وتكبر معالمها و ... الخ من عمليات التجميل للاسف هذي برضو من تأثير الصدمه انهدمت ثقتها بنفسها ولا هي مو مجبوره تنفخ وتشق وتخيط بنفسها عشانه
    الموضوع هذا احسه متشعب وله جوانب نفسيه وعاطفيه واجتماعيه ومالنا حق نلومهم خاصة اذا فعلاً هم مافيهم عيب بس جالسين يهولون ويبالغون بالاهتمام من حرارة اللي يمرون فيه
    ومن الاخر مافي ذكر يستاهل ان الوحده تقهر نفسها وتغير خلقتها عشانه
    يكفي انها متحمله خلقته واخلاقه
    ولازم تقتنع الزوجه انها لو كانت ملكة جمال بكل شي اذا هو عينه زايغه ماراح يرده شي
    هونوا على انفسكم الحياه بتعيشونها مره وحده
  4. @yasmeen_7

    عادي انا اشوفها نوع من رد الاعتبار خصوصا اذا اخدت الزوجة موقف يعني مش عشان زوجها👍

تابعي تجارب أخرى من هذا القسم.