في بيت اهلي
السلام عليكم بنات انا عندي مشاكل مع زوجي من بداية زواجي وزوجي عصبي ومد ايده علي في بداية زواجنا وسامحته , وخلال سنوات زواجي ولحد اليوم ماحسيت بالسعادة معاه ولاحسيت اني امرأة , انسان عصبي وغامض ويحاسبنا على الفلس وانحرمت من شغلات وايد بسبب الفلوس حتى خدامة مو راضي اييب لي كله يقول ماعندي فلوس المهم انا ساكتة وصابرة 10 سنين لحد ما صارت المشكلة اللي خلتني اروح بيت اهلي والمشكلة جدا بسيطة . كنت طالبة منه شغلة يسويها وكان اهوا بالسيارة وقلت له يرد البيت وكلمته بكل ادب ان يرد البيت ويسويها جان يعصب علي ويقول انا موسايق عندك وصراخ صراخ بالتلفون لدرجة كنت بسكر الخط بويهه وبعدين ماكلمني وهذا الكلام كان اول شهر 5 ولحد عيد الاضحى يعني شهر ماكلمني واهوا كله جذي يعاملني بالصمت العقابي دايما ولايسولف معاي ولا يدري عن يومي ولايقعد معاي وحتى بالبيت دايما منفس علينا ومعصب وبس يكلم ربعه اشوفه يضحك ويتغشمر وانا تعبت نفسيا من تصرفاته , ولما صار عيد الاضحى طلع مع ربعه واهله ولا فكر يكلمني او يكلم عياله لما صار اخر يوم العيد وفعلا زهقت ورحت بيت اهلي ولحد اليوم اهوا ما سأل ولا فكر يراضيني حتى اهله محد كلمني منهم وانا حاليا افكر بالطلاق لاني فعلا تعبت نفسيتي منه