تكبير المؤخره

سبحان الله!!
حنا الي بنلزمك أمام الله ثم أمام خلقه
إن تثبتيلنا إن مستحضراتك آمنه وطبيه ومرخصه!
دام واثقه فيها ليش ما رحتيبها لهيئة الدواء والغذاء وخليتيهم يرخصونها لك
ويعطونك براءة إختراع!

أتحداك تكتبيلنا مكوناتها
أتحداك تورينا طريقة تصنيعها
أتحداك تكون مضمونه

إنت على بالك أجسام البشر لعبه عندك إنت وتحاميلك!

التحاميل الي تنحط في في المستقيم من خلال فتحة الشرج هي تحاميل الباراسيتامول فقط
تذوب ثم تنتقل عبر الأوعيه الدمويه للدم وتمشي مع الدم إلى أن توصل للدماغ وتروح لمنطقه معينه فيه وهي المسؤوله عن خفض درجة الحراره.

يعني تحاميلك مستحيل تتوجه للمؤخره مباشره ومستحيل تعمل عمل طبيعي!

تحاميل المؤخره سبق وعلمونا انها أعشاب الله وحده يعلم كيف نقاوتها مخلوط معها حبوب كورتيزون وهرمونات الأنوثه وزيوت وبعضهم تحط معها تمر والعياذ بالله.

يستخدمونها الحريم وتذوب وتروح المواد الي فيها للدم وتجري معه في الجسم وتعالي شوفي وش تسبب!
ومايدرون ان الي فيهم بسبب هذي التحاميل

فشل كلوي تسمم الكبد والدم
زيادة إنبات الشعر حساسيه

وبعدين تجي وحده تسوق لمنتجاتها وتستغل جهل الحريم وهوسهم بهذي الأمور.

طلعينا كذابات وحطي مكونات تحاميلك
وورينا معملك المعقم الي تسوينها فيه.

أو حطيها لك انت وانركي استغفالنا

هدي أعصابك مو كل من فضح منتج صار ظالم التحاميل اللي تكبر المؤخرة خرابيط وتدخل داخل الجسم وتسبب أمراض ومويات وإفرازات
واللي يبيعها يضحك على البنات ويخاطر بصحتهم
واللي يسوّق لها يتحمل الهجوم والتجريح اللي بيجيه فلا تحاولين تغلفين شغلك بالدين والأخلاق عشان تبررين تجارتك اللي تضر الناس
الحمدلله اللي أغناني عن إني أجرب قاذورات تدخل الجسم وتجيب أمراض
ربي معطيني عقل يميز بين اللي ينفع واللي يضر
مو كل شي يُقال عنه أعشاب يصير أمان ولا بعد مصنوعه في البيت

اراء  الناس اللي ممكن يكونون بعد من معارفك وقريباتك يعززون لك ما تثبت أمان المنتج
حتى اللي ياكل خلطات سامة ممكن يحس بتحسن مؤقت قبل ما يطيح بالمستشفى
الإثبات العلمي والترخيص هو اللي يثبت
مو شهادات مجاملات من ناس ما يدرون وش دخل أجسامهم

صح لسانك
وكفيتي ووفيتي
اللي يلعب بصحة الناس بمنتجات مشبوهة لازم ينفضح والتحاميل هذي قمة الضرر والاستغلال
إذا واثقة إنها امنة تثبت غير كذا كل تبريرها كلام فاضي وتجارة على حساب صحة البنات

حكمتي ان فيها مواد كيميائيه ؟
خلي الزين على جنب
ان ضرين فيها احد او حطيت فيها مايضر فا الله بيعاقبني في أغلى ما أملك .
وان أسأتوا لي وأتهمتوني بالغش والكذب والتشكيك فيني فالله يحكم بيننا .

حبوب كورتيزون !
هرمونات أنوثه !؟
أتقي الله ولا تفترين علي وأنتي ماتعرفيني أصلا
إذا فيها هذي الحبوب او غيرها فالله ياخذ بحق الحريم مني .
وان كانك كذبتي او ظلمتيني فحسبي الله ونعم الوكيل .