صديقتي المتملكه

وعليكم السلام ورحمة الله
الصديقه اللي كذا تحب تتملكك اسحبي عليها
لانه ماتلاقي راحه وبتنغص عليك
خليهت زيها زي غيرها متى مافضيتي لها كلميها بحدود بمعنى لاتكوني دفتر مفتوح أمامها احتفظي بخصوصياتك

مفترض الصداقة نلقى من وراها الراحة ,,لكن هالعلاقة من أولها باين أن فيها شي غير طبيعي و لو ما حليتي هالإشكال الأن بالتأكيد هالعلاقة بتنتهي عاجلا او آجلا

انتي ايش يحدك تنتهي علاقتك بها بعد تعب و معاناة و ممكن أصلا تنتهي بهوشة او مشكلة كبيرة و حرقة اعصاب

انتي من البداية حجميها و علميها على الي انتي تبينه بشكل غير مباشر و هي بتصير مثل ما انتي تبين و هنا انتي كسبتيها و علمتيها على طبعك و إلا هي تلقائيا بتختفي من حياتك و بذلك تكوني حليتي مشكلتك معاها بأقل الخساير

و عادي لو صار موقف و ما عجبتك حركتها ممكن توضحين لها غير ذلك تصرفي بالشي الي يعجبك و هي بكيفها

تصرفاتها بصراحة مثيرة للشك لأن بهالشكل مو صداقة طبيعية
تذكري إنها صديقة مو زوجك ولا ولي امرك عشان تتحكم فيك وتمنعك من الناس
خلي عندك حدود واضحة معها
وإذا ما تغيرت فصدقيني البعد عنها أريح لك من صداقه ترهقك

هي مشكلتها ماتبغى اكون صديقات غيرها تحس راح اسحب عليها واتغير

معكن حق انا جالسه اتعامل معها بعواطفي اشوفها متعلقه فيني وصابره باالرغم انها تضايقني مثل ماقلتن الاحل الانسب اني ابعد وارتاح كثير شرحت لها انها تضايقني واني انسانه اجتماعيه مااحب اتقيد بشخص معين
اذا جيت افهمها تزعل
شكرا لكل من علق ياحلوات ♥♥