خيانة زوجي

ياختي كل مره نقول نفس الجواب
اذا عندك دخل مادي من وظيفه
او اهل متقبلينك بعيالك
الله الغني عن هالاشكال والازواج..
لكن اذا ماعندك دخل ولا اهل يسندونك بعد الله
ماعندك غير الصبر
قدك متحمله أهانته وذله 18 سنه
يعني اللي فرق انه تعرف ع وحده
مش بعيد يكون سبق وتعرف علئ عشر غيرها
دامه كذا يعاملك من زمان ويهجرك بالشهور

عيالك ووضعك هنا اللي بيخلوني اقول لك اصبري
وكملي فوق هجره هجر واعتبريه كرسي في البيت ماله اي وجود
خليه يعيش نزواته وخليك بنفسك وعيالك
اصلا اذا واجتيه بيقلب عليك الطاوله ومحد بيتضرر غيرك
ومو بعيد يطردك لاهلك وهذي عوايده
وفرصته تخلي له البيت وتروحي لاهلك
ماعندك غير تلتفي لنفسك وعيالك واحقريه
اختصري كلامك معه
خليك مثل الطيف قدامه
واستعيني بالله وادعيه الله يهديه ويرده لك
ويصلحه ..

والله حاسه فيك
حاسه بصدمتك بخيانته
بس تعالي خلينا نعرف وش سبب هجره لك بالشهور ومن اسباب تافهه ماتستاهل كل هالهجر
يا انه عنده علاقات (نزوات)
يا نرجسي وممشي حياتكم علئ كيفه وبمزاجه ولاعب فيكم لعب
يا عنده ضعف ويتهرب بالزعل بالشهور
كل هذي الاسباب وغيرها احسها بزوجك صراحه
مابقولك يمكن متزوج لاني شفت من موضوعك السابق ان حالته الماديه علئ قده
والحمدلله والا كان سواها ربك عالم بالنيات🤣
المهم نصيحتي الاخيره لك ادعسي علئ قلبك
ولاتدوري بعده وتفتشي جواله انتي اللي بتتعبين وهو مرتاح..
حبي نفسك واولادك وانشغلي واتعبي علئ هذا
وعشان امك كمان لاتخليها تحس برغم ان الامهات يعرفونا من عيونا من غير مانتكلم
بس طول ماانتي من داخلك حاسه انك بتتغيري عشان نفسك واولادك وبتطلعيه من تفكيرك وبتطلعين انتي من قهرك صدقيني القوة هذي بتبان بعيونك قبل افعالك..
الله يمسح علئ قلبك ويبدل بدل الضعف والوجع قوة وصبر ودعاء وثقه بالله عز وجل ..

واعذريني لطوول ردي🌹

الله يسعدك على هذا الرد

المشكلة مو فيك أبداً
زوجك اللي خانك وذلّك هو الحيوان الفاقد لأي قيمة
أنتي بريئة وبنت اجاويد
وهو مجرد شرّ يمشي على الأرض ويستاهل
كل تحقير منك وكراهية
ولادمعة تنزل من عينك علشانه

عموما
في هالمرحلة لازم تركزي على حماية نفسك وحماية صحتك النفسية خصوصًا أولادك
حتى لو الوضع صعب على أمك المريضة صحتك النفسية أهم شي بالدنيا
لأنك لو انهرتِ أنتِ ما أحد يقدر يعتني لافيك ولافي عيالك
انتبهي
القهر المستمر يجيب أمراض ويسبب لك جلطات خلي بالك من نفسك

الله يسعد قلبك على هذا الرد