تجمع المتفائلات بالحمل لشهر سبتمبر&اكتوبر⚡🤍🤍❤️❤️

نصيحتي لك يا اخت احلام كثري من استغفار التزمي به ليل نهار افتحي اليوتيوب وطلعي قصص الاستغفار صدقيني بتتحمسي له وقيام الليل بعد له اثر عجيب والله ناس كثير قالوا عن كيف رزقو بعد ما لجاو لقيام الليل والدعاء في السجود
وبين الاذان والاقامه يمكن يكون تاخير ربي لحكمة ما تعرفينها لكن تاكدي ان ربي كريم وما يخيب عبده اذا دعا الله يرزقك الذرية الصالحة عاجل غير اجل ويقر عينك بشوفتهم
🦋🤎

اي والله كلامك يشرح الصدر
الامل بالله موجود وربك كريم اذا عطى يبهرك وكل شي بيجي بوقته ان شاء الله

احلام قد جربتي خلطه العسل من قبل؟؟
جربيها انتي وزوجك معك بنفس الوقت 
خوذي ملعقه في الصباح ع الريق 
وملعقه قبل ماتنامين
وتوكلي علئ الوهاب بيوهبك بقدرته ورحمته بإذن تعالئ

انا وحده كنت مثلكم عانيت ماحملت
وكنت في مشاكل شبهه يوميه مع زوجي عشان الخلفه
كانت اموري تمام ودورتي ماشاءالله منتظمه كانت كل ٢٨ يوم تجيني والله اذكر للحين
انها كانت تجيني بيوم جمعه كل ٢٨يوم يصادف يوم الجمعه منتظمه ماشاءالله
بس كان في سبب ومانع بزوجي ومثله مثل باقي الازواج صعب التعامل معه وقت العلاجات تطلع روحي معه
بس ماجاب نتيجه العلاج معه وربي اكرمنا وعملنا حقن مجهري والحمدلله ربي رزقني
كثير كتبت قصة حملي وعلاجي هنا والكل يعرفها…
كنت دايم استغفر وادعي واتحرئ اوقات الاستجابه وادعي وابكي ابكي من قلبي يارب اطعمني ولا تحرمني ياذا الجلال والاكرام اكرمني ووواصل وانا ادعي وانا في ضيق وهم مايعلم فيه الا هو سبحانه
وماكنت صغيره بالسن
وكنت اخذ فيتامينات وخلطه العسل اتعاالج بإي شي ممكن فيه نتيجه للحمل بعد الله ولو ١%
وانا مافيني شي بس سبحان الله غريزه فينا الحريم نحاول ونسعي للحمل والذريه اكثر من الازواج

جذبني تجمعكم تدرون ليش..
لانه كان تجمع حملي مع اخوات وعضوات هنا في المنتدئ كان اسمه تجمع حوامل شهر سبتمبر واكتوبر عام ٢٠٢٠ ايام كورونا🤭

ويارب يكون هالتجمع خير عليكم كلكم وتحملون فيه وربي يرزق الجميع ويجمعكم وكل مشتهيات للذريه بتجمع حوامل عن قررريب يارب عاجل غير آجل 🤲🏻

يا حبيبتي يا منتهى والله قصتك ماثرة خلتني أحس الامل بالله
ربي يجعل ذريتك مثل ما تتمنين
‏عارفه شعور الانتظار والمعانات والمشاكل الصغيرة الي تصير
خصوص لما اجتمع مع العائله وكل خواتي عندهم اولاد حتى بعض الاحيان احس وجودي وعدمه واحد
‏شعور يقهر والله 💔
‏وصدقيني كل وحدة عاشت هالتجربة تعرف هشعور بالضبط  الله يسهل على كل وحدة ويعطيها فرحة مثل فرحتك
الله يرزق كل متاخر

ممكن سوال كم جلستي ورجعتي حملتي