كنت بمحل تو بأخذ كم غرض وبطلع وأنا واقفة انتظر دوري عند المحاسب لفت انتباهي تصرف ولدين قدامي مع أبوهم اسعد الله لو أنهم عيالي ولا أخواني كان نظرة وحدة خلته يصير مثل العود واقف ماعليكم من التشبيه المهم ، الموقف كان كل واحد شايل بيده غرض ويصارخووون على أبوهم نبيها ونبيييهاااا وبهالشكل بالتحديد ( طررررق عن خشمك باخذها تقول لا ماهو على كيفك تسسسسمعني يابوي ولا تسمع ) ورب الكعبة ان الأبو يضحك مبسوط وعاااادي وكل الناس يناظرون حتى اللي يحاسب احس وده يضربهم كف ، ويرمون الأغراض بالأرض ويضربون أبوهم بشكل ينرفز مررره ، والأم واقفة ولا كلمة بس تقول خلاص خلاصصص و أختهم تضحك عادي والمحاسب ينتظر تكتمل الأغراض عشان يخلص حسابهم لأن صرنا لاين طويل 🙂
أنا آسفة أشوف ان مفهوم التربية الحديثة عند البعض خطأ ومليون خطأ سبب لنفسه عدم الأحترام وترك التربية للأولاد نفسهم ، أحس ضروري القيم والأدب والأحترام يغرسونها بالأطفال عشان ترسخ فيهم ويتطلعون فيها ، والبعض الآخر استغل المفهوم هذا بطرق جيدة ثانية والله يهدي الجميع بس
شاركي في النقاش
سجلي الدخول لإضافة تعليق.
التعليقات
17- صراحة ذي الأيام لو كلمتي طفل بكلمة ماعجبته قام وبكى وصاح وصار عنده حالة نفسية ويجب أن تتدخل منظمة حقوق الإنسان ولازم مرشد نفسي يعالجه ويفك عقدة الكلمة اللي ماعجبته
وقامت الدنيا عليك انتي أم قاسية عنيفة تعنفين أطفالك ووووو
يازين بس أيام زمان كانت العصا المنقعة بماء وملح تأدب جيل كامل سليم النفس والروح وطلع منهم الأطباء والمهندسين وغيرهم
مو الحين جيل هش ضعيف هزيل لا شخصية ولا أخلاق
لا حول ولا قوة الا بالله العلي العظيم - وين التربية يموضوعك
هذولي عديمين تربية ميح كلش
نسال الله العفو والعافية انا ايضا اكره قلة الأدب
تلقين ابوهم مقتنع انه كذا يقوي شخصياتهم - عفواً بس وين التربيه الحديثه بالموقف ؟
ماني شايفه أي اسلوب تربوي متبع في التعامل مع الموقف لا حديث ولا حتى قديم
و ترى معروف ان الاطفال يرددون الكلام اللي يسمعونه من اهاليهم طرق وعن خشمك وغيره من الالفاظ كلها انقالت لهم وهم يقلدونها لا اكثر
واشوف ان الاهل تصرفوا بشكل مقبول بحكم انهم بمكان عام
واللي جرب يتعامل مع الاطفال يعرف ان بعضهم اشقياء وحركيين صعب السيطره عليهم
واذا الاهل تعاملو معاهم بشده وقسوه بمكان عام الكل بيقلب عليهم ولا نكذب على بعض وانا اولهم بحط عيوب الدنيا كلها فيهم ماراح اقول اشقياء وعصبوا اهاليهم
وتقولين تعطينهم نظره يمشون مستقيم ضحكتيني
هذا النوع اللي يمشي مستقيم من نظره بنسبه كبيره انمحت شخصيته وبيطلع خواف ضعيف مهزوز الكل يسطر فيه ويدعسه وهو ساكت او يبكي يكسر الخاطر لانه خلاص مايعرف كيف يتصرف بسبب القمع اللي جاه وماتطورت خبرته ومعرفته بالحياه - التربيه الحديثه بريئه من الي شفتيه والي للأمانه ماني مصدقته لأن حاسه فيه مبالغه كبيره.
ليش كل تصرف سيء من الطفل والمراهق نربطه على طول بسوء التربيه الحديثه!
التربيه الحديثه هي إمتداد
لتربية آباءنا لنا
غير إنه صار فيه بعض التغيرات
بحكم تغير العصر والبيئه والموجود على الساحه!
مستحيل أربي طفل حاليَا بنفس طريقة تربية طفل قبل خمسين سنه! ليس لسوء في تربية زمان لكن لكل زمان طريقته وأسلوبه.
الحين فيه مساحات حريه ومساحات نقبل ومساحات إنفتاح على العالم.
ولازم نتقبل هذا الشي
ونكون واعين لأولادنا ونعلمهم على الغث والسمين ونتابع ونراقب ونسامح ونتجاوز
أول الأب همه يوفر المأكل والمسكن والتعليم المتاح. ويربي ولده منحاله على القيم الي يبيها .
الحين مهو إنت بس الي تربي ولدك .. الكل يشاركك في تربيته
.. إختلاطه بمختلف العقليات ومشاهدته لكل قنوات السوشل والي ما يشوفه يجي من يعلمه عشان يشوفه يعني الي يتحكم بأخلاق وسلوك الإبن أشياء كثيره. وهنا التحدي الكبير ااي نقابله.
الحاصل كفايه انتقاد للحاضر وللنعمه الي حنا فيه. ولا تكون نظرتكم لوقتنا نظره سودا وقاصره. كونوا مرنين عشان ماتحرمون أنفسكم من نعم الله. عواطف تركي . عفواً بس وين التربيه الحديثه بالموقف ؟ ماني شايفه أي اسلوب تربوي متبع في التعامل مع الموقف لا حديث ولا حتى قديم و ترى معروف ان الاطفال يرددون الكلام اللي يسمعونه من اهاليهم طرق وعن خشمك وغيره من الالفاظ كلها انقالت لهم وهم يقلدونها لا اكثر…
غلطانه ما اعتقد ضرنا وأعمارنا كبيرة الآن تربينا على الأدب والاحترام وما أتذكر تلفظنا على اهلنا لو مزح بكلام غلط من نظرة وحده نفهم ان تصرفنا غلط !! عاد إذا من منظورك تنمحي الشخصية فهذي ماصارت عندنا تبارك الرحمن تربيتنا سليمة من أكبر اخواني لأصغرهم الله لايغير علينا
مواضيع مشابهة
تابعي تجارب أخرى من هذا القسم.