تجمع المتفائلات بالحمل لشهر سبتمبر&اكتوبر⚡🤍🤍❤️❤️

السلام عليكم أنا حامل الآن في سبع أسابيع و كنت من المتفائلات بالحمل مع دخول السته الميلادية الجديدة والله يابنات مادري وش أقولكم تبدلت حياتي من بدايه ألسنه تبدل عظيم كنت متفائلة واشارك كم فيديو للتفاؤل في حسابي الأساسي في التك توك وكنت أشوف إنها سنه غير، ولا ادري كيف بتكون لكن كنت مستعده لها، استعدادي وانتظاري جعل ربي يرتبها لي ، دخلت في حياتي بنت جديدة من الحموله خذاها واحد من العيال وتعرفت علي وأنا بطبيعتي ما احب العلاقات ولا اطلع من بيتي تركيزي كله ولدي وزوجي طبعا ولدي عمره ٧ سنوات بالمدرسة جبت غيره واحد ثاني وتوفى وراح طويري طير من طيور الجنه واحاول احمل من ٣ سنوات ، المهم العروس الجديدة تحب تبني علاقات وفرضت نفسها علي، حاولت أتملص منها اطنشها لكن كل يوم تسجل لي على الواتساب عشان شافت مني جانب الاهتمام بجسمي ورشاقتي واسوي. رياضه قالت ليه ماندعم بعض أنا بعد احب الدايت والرياضه واحتاج رفقه ، أقولكم فرضت نفسها علي لقيت أني أتجاوب بعد ماصارت مشاركتها معي يوميه يالله نشرب ماء يالله هذا أكلي سويت اليوم رياضه كذا ، مالكم بالطويله، قدرت علي لان تركيزي كله جمال صادتني وصدف ان فيه تشابه كثير بينا وان كثير من اهتماماتنا تتشابه و تشاركت معها لقيت بعد فترة أننا بدينا ندخل الجانب الروحاني سورة البقرة ثم الصافات ثم رقية التعطيل ثم سورة مريم ثم الحرز ١٠٠ مره نكتب مهامنا اليوميه والبسيطه وتعاهدنا يوميا نكتب قائمة ونحط إشارة جنب اللي تم واللي مأتم نتممه و حتى الجانب الجمالي  عندي سكراب جسم وترطيب اليومي و فيه مهام خليناها إذا تضايقنا نكتب ونفرغ وجانب من الثقافه والقراءة ونذكر بعض بالدعاء بين الأذان والاقامه بالحمل ونذكر بعض بالصدقه اليوميه لو بنص ريال  ولا عندنا وقت نتكلم حتى في احد مع أننا متشاركين نفس الأسرة بس ماعندنا وقت نصرفه نحش باي احد ، حسيت نفسي تغيرت وهي مثلي باحثه عن الحمل وجانب القران دخلناه على أساس الحمل، برجعكم شوي للماضي قبل اعرفها بشهر وقبل تصير هالقصه كلها صار فيه عرس عند الحموله بعد عيد الاضحى شديت حيلي كنت أصوم عشان ادخل وزن الخمسينات أصوم ٣٩ ساعه يوم ونص عن الاكل وكنت اتمرن تمارين مقاومه على وزن ٥ كيلو طبعا متدرجة كنت على وزن ٣ ورفعت بعد أسبوعين يوم عرفه دعيت الله احمل وكانت أيام تبويض وفعلا حملت وعرفت في يوم سفر إني حامل وكان فيني خوف شديد لأني اعرف السفر يرهقني لكن خلاص مسافره لاهلي بالإجازة الصيفيه توكلت على الله يوم وصلت ماكنت بخير قعدت ١٠ أيام اوجاع ظهر ورحت المستوصف واخذت تحليل هرموني طلعت النتيجة حمل ضعيف وبعد ١٠ أيام أجهضت أخذت علطول حبوب الحليب لأني أبطي بعد الإجهاض بسبب الهرمون ، والله يابنات إني ما حزنت مادري كنت لاهيه بالإجازة ولا بكيت بس كتمت في خاطري واذكر الكتمه ذي فجاة صابت صوتي وجلست أسبوعين من غير صوت انعكس الألم الداخلي إلى وجع عضوي،، ولا علمت زوجي أصلا بالحمل، بس أمي وخواتي يدرون ، المهم. أجهضت في آخر يونيو ورجعت بيتي يوم واحد من رجعتي و بدت قصتي مع العروس الجديدة،،شهر كامل متعاهدين القران وحتى مهام البيت مقسمينها كل يوم نمسك شي ونشتغل عليه ،وجات الدورة في آخر يوليو وكانت آخر دورة لي ، ولا كنت حاطه في راسي إني بحمل علطول لأني أجهضت قبل سنتين ونص وقلت أكيد بطول على ما احمل، قصتي طويله وفيها جوانب ثانيه من الاهتمام بالدورة وغيره، احكي لكم إياها الايام الجاية ، لكن الشاهد من قصتي ان التفاؤل اللي مستقبلته بدايه ألسنه الميلادية سخر لي الله من يساعدني وارسلي إنسانه تشبهني هي في حاجة دعم وأنا في حاجته الله يرتب أقدارنا بحسب ايماناً ويقينا بها ويرسل من يخدم هالنيه والحمدلله على نعيم الله وعطاياه الله يرزقكم جميعا وتفاؤلكم أكيد إذا كان بنيه واضحه ربي يسخر من يساعدكم على تحقيق النيه اسأل الله انه يثبت حملي واللي حامل منكم اسأل لها ثبات الحمل ويرزقني وياكم الذرية السليمه والمعافاه واللي مارزقها الله قريب جدا بيرزقك الله والله إذا أعطى عطاياه تدهش ، أنا راح ولدي شفيع وكنت انتظر جبره وعوضه يارب الجبر. العوض اللي ينسني مافقدت

اي والله عساهن يكونن بخير يارب والله كنا خوات ونشيل هم بعض حيل فرقتنا الدنيا

الحمدلله بالبدايه وانا اقرا خفت ان العروس الجديده شر لك لكن تبارك الله الله يسخركن لبعض ويثبتكن ع طاعته ياحي ياقيوم حلوه الصحبه الصالحه تمسكيي فيها بهذا الزمن نادر تحصلين صحبه صالحه الله يتمم حملك ويقر عينك فيه ياحي ياقيوم

وعليكم السلام مدام اتش
الله يسعدك قلبك🌹♥️
قصتك مثل البلسم على قلوبنا
الله يسهل حملك ويرزجك من خير الدنيا والآخرة يارب💙💜
وفعلا الصحبة الصالحة اهم شي الحياة 💗

السلام عليكم
كيفكم بنات
الحمدلله طلعت حامل بعد انتظار ثلاث سنوات الله يتمم علي بالخير
اخر دوره لي بشهر 8