هل نحن نحب نثبت لأنفسنا إننا نقدر؟ أكثر من إننا نحب الشي بحد ذاته

  • كم وحدة فينا فعلاً عاشت هذا الشعور؟سعت بكل طاقتها لشي، ولما وصلت له… ماحست بأي رضا؟
  • هل كنا نبيه فعلًا؟ ولا كنا نبي “فكرة الوصول” بس
  • ليش بعض الأشياء تفقد قيمتها بعد ما نملكها

أحيانًا نتمسك بأهداف مو لأننا نحبها فعلًا،
لكن لأننا نحب فكرة إننا نقدر نوصل، نكسر التحدي، نكسب الإعجاب… حتى لو ما كان هذا الشي يعنينا.
ممكن نكون نحب “الرحلة” أكثر من “الوصول”.
نحب نشوف نفسنا نقاوم، ننجز، ننتصر…
لكن لما نوصل، نكتشف إن الهدف ما كان يشبهنا أبدًا، بس إحنا كنا نبغى نحس بشي، نثبت شي، نهرب من شي
كم وحده حصل لها نفس الموقف؟
ولما اكتشفتي انك ماتبينه؟ زعلتي؟ ولا ارتحتي انك سويتيه؟

5 تعليق 377 مشاهدة

شاركي في النقاش

سجلي الدخول لإضافة تعليق.

التعليقات

5
  1. @Mawsoah

    ذكرتيني امتنان بموضوع سويتيه
    وبكون صريحه وادري كثير راح يهاجمون على الفاضي والمليان

    المهم
    جتني فتره كنت منهاره بسوي فلر شفايفي والكل ماتحتاجين لاتسوين ياحرمه
    ونا الا مصره يسوي انتم ماتشوفون اللي اشوفه
    وووو
    جا اليوم المنتظر وسويت فلر
    ماحكيلك عن كميه الراحه اللي لما سويته
    وكمية الاحباط لما شفت نفسي…
    سعيت ورا شي الكل كان ضده وشاف انه مو مناسبني
    سويته ..ارتحت..اُحبطت…
    بالنهايه تعلمت…
    مرات الواحد لازم يجرب عشان يتعلم …
    ومرات الواحد لازم يسمع للنصيحه من الناس اللي هم فعلا اهل للنصيحه لان مو كل نصيحه تكون صادقه..
  2. @aaoatf_trky_2

    لان مفهوم السعاده مختلف كلياً عن مفهوم البهجه او الفرح او المتعه
    وكثير ناس لسه مو قادرين يفهمون هذا الشي
    السعاده هي شعور دائم مستمر واساسه شعور داخلي بالرضى والقناعه بإن جميع امورنا خيرها وشرها من الله وصارت لحكمة من الله فنستقبلها برضى وتسليم وكذا نعيش سعداء
    اما الفرح او البهجه والمتعه هي مشاعر مؤقته منقطعه تجي من شيء خارجي حدث او هدف مثل النجاح او الترقيه بوظيفه او شراء اي شي نتمناه او الزواج والانجاب ... الخ تلقين الشخص يطير من الفرحه ويعيش متعه ولذه وكأنه يحلق فوق السحاب لكن هذي المشاعر ماتطول ممكن تبقى ايام او اسابيع قليله ثم تخف الى ان تنتهي تماما .
    عشان كذا لما نسعى لهدف او شيء معين ونحصل عليه او نحققه نمر بفترة الفرح والبهجه المؤقته ثم تنتهي
    مستحيل يعني يبقى الشخص بنفس مستوى الفرحه على هدفه هذا طول العمر لانه خلاص صار وانتهى
    محد يعيش على اطلال الماضي حتى لو ان الماضي ماله غير اسبوع
    ولما نعرف الفرق بين السعاده والفرحه نقدر نكتشف وين الخلل فينا
    والشعور بالسعاده اهم بكثير من البحث الدائم عن مصادر خارجيه للشعور بالفرحه والمتعه لملأ وسد فراغ الداخل
    واشوف اننا اذا صححنا مصدر السعاده الداخلي تصير اهدافنا ورغباتنا متوازنه وناضجه ويمكن اكثر واقعيه
    واذا حصلنا على اهدافنا اكيد نستمتع ونفرح لكن يبقى مصدر السعاده الداخلي حاضر وله تأثيره يسندك ويحافظ على توازنك
  3. @aaoatf_trky_2

    موسوعة
    ذكرتيني امتنان بموضوع سويتيه وبكون صريحه وادري كثير راح يهاجمون على الفاضي والمليان المهم جتني فتره كنت منهاره بسوي فلر شفايفي والكل ماتحتاجين لاتسوين ياحرمه ونا الا مصره يسوي انتم ماتشوفون اللي اشوفه وووو جا اليوم المنتظر وسويت فلر ماحكي…
    يمكن رغبتك الحقيقيه مو الفيلر بذاته
    وانما رغبتك الحقيقيه الحصول على شعور معين
    لكن ماقدرتي تفهمين نفسك وش اللي تبيه بالضبط
    جربي مرات اسألي نفسك وش هو الشعور والاحتياج الحقيقي خلف هذي الرغبه
    وبتلاقين نفسك محتاجه شعور معين وتقدرين تشبعينه بطريقه صحيحه بعيدا عن اذية نفسك
  4. @alhamdulillah_

    موسوعة
    ذكرتيني امتنان بموضوع سويتيه وبكون صريحه وادري كثير راح يهاجمون على الفاضي والمليان المهم جتني فتره كنت منهاره بسوي فلر شفايفي والكل ماتحتاجين لاتسوين ياحرمه ونا الا مصره يسوي انتم ماتشوفون اللي اشوفه وووو جا اليوم المنتظر وسويت فلر ماحكي…
    حكم نفخ الشفايف | الشيخ عزيز بن فرحان العنزي:

    https://youtu.be/Mh7lQkrUWFM?si=pjRCyQeeOPwV3umK

تابعي تجارب أخرى من هذا القسم.