نفاس لمدة خمس شهور ؟؟!!!
السلام عليكم شلونكم اخواتي عندي مشكلة وارجو من الحكيمات يعلموني شنو اسوي، اني ولدت قبل خمس شهور بالصيف طبعا من بداية حملي قرأت عن انظمة النفاس وكثير اشياء ف جهزت كلشيء مبكرا لانه كنت متحمسة لهذه العناية وانا احب الاعشاب ( طبعا في بلدي ابدا ابدا ماعندهم هذه الثقافة اللي هي اهتمام النفاس بالتدفئة والاعشاب والبخار بالاعشاب) المهم سجلت كلشي بالدفتر ونظمتهن بعلب وغسول ومشروب واكلات ومشد وملابس ثقيلة للتدفئة طبعا الحمد لله ولدت طبيعي بفضل الله وثاني يوم الولادة ظهرت حكة في جميع أنحاء جسمي ووجهي وطفح يتحول بعدها مثل الفقاعات وشكله مثل الحروق وانا احك وكنت بغرفة مافيها مكيف بس طلعت لغرفة فيها مكيف بسبب الحكة والحساسية حتى بفروة رأسي وباطن ايديني وباطن رجليني صار فقاقيع من كثر الحك ماكدر اغسل ملابس طفلتي ورجليني ماكدر امشي طبعا صرت اتسبح بماء بااارد ٤ مرات يوميا لم تهدأ الحكة والطفح ذهبت الى ٥ اطباء صدقوني يابنات يعطوني مهدئات ماتنفع تعبت وبكيت وصرخت من القهر وانا اشوف نفسي ماسويت اي شي احس خربت خربت كلشي غلط سويته طبعا كنت اجوووع ومحد عندي يسويلي اكل بسبب الحساسية ماكدر والله يابنات مي الحنفية ينزل حااار بسبب الشمس واغسل ايديني تزيد الحكة كنت اصحى من النوم احك باطن ايديني ورجليني بالغطا قارورة الماي لان شي حاد احك فيه وما ربطت بطني للاسف الى الان ابكي لان انتشرت ببطني واستمرت معي كل هاي الاعراض ٤ شهور طبعا كنت اغسل الخياطة ببيتادين واجفف احط ميبو بس التهبت ورمت كثير انتفخت الخياطة الداخلية والخارجية ورحت لدكتورة فكت الخيوط وطبعا بالنفاس من بدايته لنهايته مانزلت دم ابدا احس ابد مو نظيفة مويات باستمرار تنزل علي حتى وقت الج... انحرج من زوجي بسبب وتطلع اصوات وهواء والمويات حدث ولا حرج وبطني طالعة متمددة واوجاع بظهررري من اقل مجهود حرفييا وحللت حمل سلبي فما اعرف هل وجع ظهري بسبب الاشياء السويتها.. ترا اني على الله ثم عليكم حبيباتي المشرفات لاتمسحون موضوعي حبابااات