تجـديد ملابس طفلك 🧒🏻

لا ولله احس كذا افضل مااحب التزم بشيء

شوفي ياطويلة العمر انا عندي بنت ٧ سنوات و ولدين ٣ سنوات و ٥ سنوات
و هذا نظامي للشتاء و عشان ماينقص على عيالي و لا يكون ضغط مادي :

راتب شهر ٣ اخذت ٨٠٠ ريال و اشتريت
للبنت : ٤ بيجامات للبيت + ٤ ملابس داخليه + شرابات + فستانين ناعمات + ٢ هيلاهب + ٤ هاينك + جاكيت و فروه + حذيان سبورت + قبوع + ٤ بلوفرات للمدرسه + ٢ بيجامه داخليه

راتب شهر ٤ اخذت ١٠٠٠ ريال و اشتريت
للأولاد : لكل واحد منهم ٤ بيجامات للبيت + ٢ ترنق + ٤ ملابس داخليه + شرابات + ٤ هاينك + جاكيت و فروه + حذيان سبورت و قبوع + ثوب شتوي للمناسبات

ملاحظه :
الشرابات : اشتري الملونات و الرسومات و المخططات للبيت و الطلعات ، و اشتري طقم ساده للعزايم و المناسبات ...

الملابس هذه تكفيهم الشتاء كله ، الى العيد ، اذا ناقص عليهم شئ او احتاجوا زياده مع اغراض العيد

طبعا انا اشتري لهم من المحلات اللي فيها عروض و تخفيضات .
و اول و اخر شئ  يرجع على حسب بيئتكم و حياتكم ، انا والله بيئتنا طلعات و مخيمات و كشتات و كل اسبوع نطلع .. 

حلو والله وصدق احسن شي ترتبين قبل ينزل الراتب
عشان مايروح لاشياء ثانية اقل ضرورة
وخاصة الشتاء عن نفسي مااخذ كثير ابداً
ب الرغم من ان طلعاتنا كثيره ب الشتاء واغلبها مخيمات
بس مااكثر يعني بنطلون ٢ او ٣ وانسق عليه كل الي ابيه
وغالباً عادي استخدم حقات الصيف مع هيلاهوب يدفي

بس الصيف ضعف الملابس بما ان اغلب السنه
مدينتنا جوها حار

——