فيتامين دال عند الصغار ، ساعدوني

السلام عليكم خواتي بهالمنتدى 🤍
عندي مشكلة وأتمنى ألقى تفاعل منكم.

أختي لها فترة نفسيتها متغيّرة، تبكي كثير، تفكير وخوف أغلب الوقت، وأكثر شيء كارهته هو المدرسة. تقول تحس بضيقة صدر قوية وقت الطابور، ما تتحمل الإذاعة ولا الأغاني، وتحس نفسها متوترة بدون سبب واضح. دايم تحس إن عقليتها أكبر من اللي حولها، وما تنسجم معهم، وتتمنى اليوم يخلص وترجع البيت.

تقول ودها تكبر بسرعة وتدخل الجامعة وتعتمد على نفسها، وتحس إن الدنيا مسكرة بوجهها وما تقدر تستمتع بشي، وتحس أحيانًا إن محد يحبها. الغريب إنها ترتاح وتنبسط أكثر مع بنات خالاتها.

سوينا فحوصات وطلع عندها نقص حاد في فيتامين (د)، وبدت علاج، لكن هي ودها تطمّن أكثر وتشوف هل في أحد مرّ بهالشعور أو يعرف بنت مرّت بنفس التجربة؟
تبغى تحس إن اللي تمر فيه شي وارد وطبيعي وصار مع غيرها.

اللي عندها تجربة أو نصيحة لا تبخل علينا

7 تعليق 477 مشاهدة

شاركي في النقاش

سجلي الدخول لإضافة تعليق.

التعليقات

7
  1. @ghym70

    حبيبتي الله يشرح صدرها ويبعد عنها كل ضيق. اولا حللوا الغده. وجرثومه المعدة بالنفخ. ثانيا الرقيه سبع ايام. ثالثا تحافظ. على تاج الذكر في اليوم. واذا قدرتوا تطلبون وحده من المعلمات يعطونكم اثر من المدرسة كاملين. هذا افضل حل. تصدقوا بنيه الشفاء.
  2. كثير بنات يمرون بنفس مرحلتها وانا وحدة منهم التوتر والخوف من المدرسة والضغط النفسي وخصوصاً لما يكون عندها شعور انها كبرت
    أسرع من اللي حولها
    وصراحة يعني نقص فيتامين د ممكن يزيد التعب النفسي اللي هي جالسه تعاني منه
    المهم تكمّل العلاج وتعرف إنها مو لوحدها كثير مرّوا بنفس الشي وراح تتحسن مع الوقت والدعم النفسي والصببر
    والله يشفيها
  3. @amproaa_alhyaamp

    اي اي ولدي في المتوسط تجيه ضيقه ووده يبكي خصوصا بالليل وكمان نومه مقطع ويجيه ارق
    وديته طلع فيتامين د وخذ العلاج وماشاء الله تبارك الله الحين ممتاز
  4. الله. يشافيها يارب ويشافي جميع مرضى المسلمين
    ترى نقص فيتامين د مرررره يتعب ويأثر عليها
    خليها تاخذ العلاج وتستمر الين يرتفع
  5. @nova_0

    صاحبة الموضوع
    الله يسعدكم ويجزاكم خير يارب يا كريم مثل ما اسعدتوني وطمنتوني بردودكم ، اميييين يارب الله يتمم ويشفيها عاجلاً غير اجل ولا يوريكم مكروه

تابعي تجارب أخرى من هذا القسم.