مادري هذه نكته والا صدمة

وحده من الصديقات في جلسة تقول ابغى اقولكم نكته قلنا قولي

قالت في وحده تقدم لها واحد بيخطبها لكن في عندها في حياتها صديقة دائما تشتشيرها تسميها المصدر الموثوق
لما قالت لها عنه قالت لها هذا الرجال لاهو صالح لا ماديا ولا صحيا ولا اخلاقيا فرفضت

بعد فتره هو خطب مره ثانيه وتزوج وعزموا اهل البنت وحضروا العرس وكانت الصدمة

العروسة هي المصدر الموثق نفسها 🤣🤣🤣🤣🤣🤣🤣

انا انصدمت مدري اذا اللي في الجلسة زي والا لا هذه خيانه ماهي نكته

وش رأيكم

14 تعليق 715 مشاهدة

شاركي في النقاش

سجلي الدخول لإضافة تعليق.

التعليقات

14
  1. @bayan_99

    الي إمّعة وتخلي الناس تقرر نيابة عنها كأنها مرفوع عنها القلم تستاهل الي يجيها☺️
  2. معليش واضح القصة مؤلفة وكذب
    وكثير من الناس يبالغون في سرد القصص في الجلسات عشان يضحكوا أو ياكلو الجو ع قولتهم

    ولو اني بطرح اسئلة راح احشر صاحبة القصة ف مكانها
  3. @hihiop

    يمكن هي صدق احيانا يصير هالشيء
    بس احنا كبنات البعض منا غير متسرعات في الزواج ويمكن البعض عنده تجارب فاشلة فانه لما تسمع اي شي عن الخاطب راح تخاف من فكرة الارتباط به.
    خاصة إذا كانت هالوحدة قريبة او سالت عنه يعني ناس لهم معرفة بعايلته او لها صلة غير مباشرة به ....او شافت عليه موقف.
    واللي يكذبو جزاهم على الله.
  4. @ghym_57

    مثل ماقالت سحلب الكلام واضح انه تأليف
    لكن بشكل عام قرارتك المصيرية خذيها بنفسك حتى لو شاورتي احد
    خذي من كلامه اللي يناسبك واتركي الباقي لأن ما احد يعرف مصاحتك قدك
    واذا طلع قرارك غلط لا تحاولين تلقين اللوم على غيرك حتى لو هو اللي عطاك الرأي لانك وقتها كنتي بكامل قواك العقلية وانتي اللي اقتنعتي برأية ومشيتي عليه
  5. النكته أعرفها بس بطريقه أحقر من هيك والصدمه صدمتين

    وحده تطلقت لأنها إتهمت زوجها أنه يعرف حريم كثير ويخونها وأنها متأكده لأن الخبر جاها من مصدر موثوق جدا
    بعد فتره زوجها تزوج و صدمتها مو زواجته لا هي أنه تزوج المصدر الموثوق بحد ذاته. 


    فلننظر للجانب الإيجابي منها 
     الحكمه إلي  هي
    كوني فطنه و لاتسمحي لأحد إيوسوسلك و يخربلك بيتك

تابعي تجارب أخرى من هذا القسم.