شعري و زواجي

مساكم الله بالسعد
أرجو من الله ان يدلني على الحل و لعل على يد وحده منكم
بنات عمري نهاية الثلاثين زواجي بعد ٣ اشهر
شعررررري دمار شامل
صلع كبير ومتفشله أقابل زوجي بهذا المنظر
ايش الحل غير المينوكسيديل لان حالتي متقدمه مدري يمشي معايا ولا راحت علي
تكفون ابي شي مضموووون بعد الله
ماديتي ضعيفه ما يمدي اروح العيادات
بس سبق السنين الماضيه عملت إجراءات و ما استفدت أبدا يمكن علشان الصلع وراثي
و المشكله الثانيه مهري ماعاد إلا تقريبا ٣ آلاف و باقي ما دبشت المشكله عاطله
جالسه اقدم بس للحين ما حالفني الحظ
مدري ايش الحل

11 تعليق 1,173 مشاهدة

شاركي في النقاش

سجلي الدخول لإضافة تعليق.

التعليقات

11
  1. يا قلبي يا لينا اذكر مواضيعك ومتابعتك والله ما ادري ايش اقولك غير الله يسعدك سعادة ما تشقين بعدها ويفرج همك انصحك تراجعين دكتورة جلدية ضروري جدا ولو في مستشفى حكومي مو علشان الزواج بس علشان نفسك الاهتمام بالنفس ما يرتبط بوجود نصيب وكان المفروض هالشي من زمان لان اكبر غلط ان البنت ما تهتم بنفسها الا اذا قرب زواجها وبالنسبة للمهر كيف يعني باقي منه ثلاثة الاف فقط وين راح الباقي وليش ما انصرف لتجهيز زواجك كونك عاطلة مو عذر ابدا خصوصا ان الرجال ما قصر وعطاك مهرك علشان تتقضين فيه والسؤال الصريح وين راح؟؟؟؟؟
  2. @amtnan_16

    في بخاخ يمدحونه للصلع الوراثي يتدعين لي ابحثي عنه ان عرفت اسمه برسله لك
    سحري بمعنى الكلمه شفت نتايجه على وحده من زميلاتي
  3. @ordh_korshyh

    اول شي الشعر والصلع مايبيله عصا سحريه تطلعه بيوم وليله يبيلك اقل شي ٦ شهور بعدين الوضع طبيعي ليه التهاويل حتى لو شعرك ماش عادي مايهتم الا لو شافك انتي مستحيه منه الرجال عقولهم اكبر من هالكلام بعدين كيف ماجهزتي شي ومابقى غير ٣ وين راح فيه
  4. @bayan_99

    لو الي عندك صلع وراثي أكيد يعني وصلتي لذا التشخيص عن طريق دكتورة فما في علاج مثبت علميًا إلا المنكسوديل وكثير ناس عايشين بيه بشكل روتيني وحالتهم تحسنت فما تخافين منه حتى نتائجه سريعة ولو انه بأول شهرين بيسبب تساقط لكن بعدين الأمور تتحسن وترا نصحية إياك تهملين الموضوع لأن كل ما تأخرتي عن استخدام المنكسوديل فبصيلات شعرك حتموت لاسمح الله وبهالحالة حتى زراعة الشعر ماتنجح والأفضل انك تستعملين المنكسوديل بإشراف طبي لأن الأنواع عديدة وطالما ميزانيتك على قدك فيبقى هو ارخص من غيره.

تابعي تجارب أخرى من هذا القسم.