زوجة ثانيه

الله يعينك على اللي جاي 👌🏼

زوجته الاولى قريبه من عمرهم وهم اكبر مني بكثير 13 سنه فرق ليش اخرب يعني مافهمت ترى انا بروحي بيت مايلي دخل في زوجته عادي يروح عند زوجته واولاده ويجي معي ماناويه على شر

يابنت الحلال ماعندي عروض زواج والي يجون يتشرطون حتى جربت عن طريق خطابات وبعد يتشرطوا يبغوا بنت طويله وبيضا وجميلة وموظفه تمر خمس سنوات يجون واحد او اثنين وعددهم قليل تسببت ودعيت وتصدقت شو اسوي بعد الي من حولي اصغر مني وتزوجوا شو ذنبي انا قصيرة ومش جميلة ومش موظفه ماخلقت نفسي وتعبت من اهلي يعايروني ويتنمروا علي \\\\استمريت على سورة البقرة والحوقلة وحصلت هذا المتزوج صدفه قلت يمكن مكتوب لي \\\ماكنت ابغى اكون زوجة ثانيه بس الظروف جبرتني

مانقدر نحرم شي الله حلله

الله يوفقك ويكتبلك الأجمل

الزواج من متزوج مو حرام ولا غلط ولا عيب
لكن قرأت في بعض تعليقاتك بمواضيعك انك انتي اللي عرضتي نفسك عليه 
وكل تفكيرك وهمك انه يقبل يتزوجك بأي طريقه
لدرجة انك مثل المغيبه والمعميه عن ما بعد الزواج وش راح يصير وكيف راح تعيشين
وهل راح يستمر زواجك او ينتهي بعد فتره قصيره
لان اللي واضح ان الرجال ماله نيه بالتعدد وقبوله على الاغلب لانك جيتيه على طبق من ذهب زواج محفول مكفول مثل اللي يدخل تجربه ومغامره يتسلى فيها ثم يطلق
لا تفكرين انه راح يفرط بزواجه الاول عشانك مهما كانت الاغراءات مصيرها تخلص ويكتفي منها
فلا تظلمين نفسك وتظلمين عائله ثانيه عشان بس ينكتب انك تزوجتي
واشوف ان اللي ينقصك هو الرضى والتسليم لله
لان الزواج رزق مثله مثل أشياء كثير في الحياه
فياليت ما ترخصين نفسك ولا تفرطين بحقوقك عشان تتزوجين بدون تفكير واستخاره
واذا على الجمال والشكل بالله عليك ما شفتي بنات اشكالهم اقل من عاديه ومتزوجات ؟
ترى حتى الرجال في اشكال اقل من عاديه ويسجد سجود شكر اذا بنت وافقت عليه مهما كان شكلها وجمالها
لا تنظرين لنفسك بإحتقار
الله يعينك ويرشدك للصواب