سناب شات سبب الشتات😎

أشكرك على الموضوع والعنوان الرهيب حبيت التفاعل عليه ذكرني ب ايام زمان هنا بالمنتدى

بالنسبه للسناب اكيد الناس مو مثل بعض أنا مثلا احبه وضايفه كل أقاربي وصديقاتي ومعارفي وحتى ناس ما اعرفهم مره بس انهم من محيطي واستمتع وانا اشوف يومياتهم واوريهم يومياتي يمكن لاني احبهم كلهم وماعندي مشاعر سلبيه تجاههم وهم كذلك واحسه وسيلة تواصل حقيقيه بيني وبينهم لان الزيارات صارت نادره
ف يمكن انتي تجربتك ومجتمعك ماساعدك تحبيه اما المشاهير محد يحب يتابعهم إلا قليل جدا

هلا وغلا ياقمر
أعجبني إسم ولدك مررره
الله يحفظه لك.
خلفيتي عن السناب جات من كثر المشاكل
الي قرأتها هنا والي سمعتها من زميلاتي
صار وسيلة ثأر ومقاحر😄
على المستوى الشخصي شفته
مليان ناس يورونا حياتهم اليوميه
والي أكيد ما بتهمني ولا بتضيفلي
أي شي لأن عندي يومياتي ويوميات عائلتي
عساني ألم فيها😁
معارفي وأقاربي ما لحقت أشوفهم سناب
لأني أعرفهم على أرض الواقع فأكيد مارح أدورهم سناب.
وزي ماقلت هذا رأي شخصي ياقلبي
مهو قانون أو حكم شرعي مُلزِم وما يصير
أحد يخالفه.
طالما الوحده مرتاحه لهالبرنامج فالحمد لله🥰

السناب اعتبرة تطبيق ترفيهي ومستحيل ادخل فيه صداقات او اقارب او اهل ... الواتس فقط هو الي للدردشة
التطبيقات الثانية للترفية

لفتني الرد، هذا اللي عندش يا اختي اوادم محترمة، صدقيني اغلب وسائل التواصل الاجتماعي صايرة تنغيز وتلميح وقط كلام من ورا لورا، اي موقف يصير في توجيب او عرس او استقبال او مشكلة خاصة راحت قطت نغزة وتلميح في بوست او ستوري او طامة من هالطامات، الحياة الاجتماعية غيرتها هالتطبيقات او بالاصح عدمتها، صاروا الناس بدل ما يتكلمون وجه لوجه ويواجهون بعض يتراشقون بنغز وهمز ولمز في هالتطبيقات.

الله يعين