ساعدوني ريلي يبي يطلقني..

وينك طمنيناا عنك؟؟؟؟؟؟؟؟

سلام بنات.. شحالكم؟ ربكم بخير؟
شكرا لكل اللي نصحني ودعى لي أوحتى بس قرا موضوعي..
أنا الحمدلله بخير.. تكلمت وحاولت هالمره أمسك نفسي لأنه دوم يقولي الواحد مايقدر يتكلم معاج عشانج دوم تبكين.. وعطاني أسباب ماعرف كيف حسيتها بس حجج!! وقتله إن شاء الله بسويها وبتغير..
وقالي كلام غريب إذا واحد بخاطر وحده وش أحسن يجامعها بالحلاول ولا..؟ وقتله خلاص إذا تبي حد غيري وماتبيني خلاص!! قالي لا لا أنا أبي عائلتي مادري وشو..
وقالي إن ربعد يقولونه عن حريمهم وش يسون لهم وليله حمرا وليله زرقه ومادري وشو.. وأنا حسيتها بعد غريبه.. لأن المفروض الرجال مايتكل عن هله جدام ربعه أنت ماتدري شلون بيفكرون فيها يمكن يفكرون عقب بمرتك!! بس سكت وماعلقت..
وقتله تذكر فعيد ميلادك كنت مخبيه هديتك وقتلك دورها قتلي مالي خلق روحي جيبيها.. وإذا سويت لك حفله خذت الكيك والعشا ووديته المجلس.. قالي لوحنيتي علي كنت دورت وقعدت.. قتله خلاص أوكي بسوي اللي تبيه..
بنات انا مومرتاحه انا من ذاك اليوم وأنا أدلعه.. وادعيله وووو .. وهو حتى كلمه طيبه مايقولها.. احس كنه مجبور.. وأنا الحمدلله مافيني عيب وأمه دايما تفاخر فيني بجاملي وطولي ولبسي وحتى بوصلي لهم حتى لو ولدهم قطعهم.. وهو لما كلمته قال السالفه مب شكل أنت مشاء الله عليج حلوه بس أنا أحس إن ماصار بينا حب بس عشره..
المهم أنا بسوي اللي الله يقدرني عليه واللي الله كاتبه بيصير
اللهم أرزقني نفس مطمئنة راضية بقضائك..

اختي الله يسخرلك زوجك ويحنن قلبه عليك ويحببه فيك يا رب .......

الحب من الله والارواح جنود مجندة ,,,,,,, لكن انتي اعملي اللي عليك حتى ترضي رب العالمين ,,, وبرضو شوية تقل بيلزموكي ,,,,, يعني لما يكون في البيت وفري له كل سبل الراحة وابعدي عنه خليه هو اللي يناديك او يجي عندك لكن ما تتوقعي هالشي يصير من اول مرة بدك تصبري ..........

اختي عاملي زوجك بخلق حسن ولا تظهري له ضعفك بالبكاء هادا غلط لانه الرجل ما بحب المرأة البكايه عن جد ,,,,,,,, ضعفك اظهريه برقتك بنعومتك بأنوثتك بهدوءك بطاعتك اله بدعاءك اله دايما وبصوت مسموع اله (ادعيله قدامه) ................

وللاسف انه كلام لرجال لبعض عن زوجاتهم وحياتهم الخاصة هي السبب في دمار كتير من البيوت ,,,,,,,,,,لا حول ولا قوة الا بالله ,,,,,, زوجته عرضة بيحكي عنها لاصحابه شوفي البعد عن الدين ومخافة الله لوين بتوصل ,,,,,,, وين راح كلام الرسول عليه الصلاة والسلام عن هالموضوع ..........

وما بخاف انه اصحابه يصيروا يتخيلوا زوجته !!!!!!!!!

ومو ممكن انه صاحبه هادا يكون كذاب وبحاول يظهر لاصحابه انه قمة في السعادة وهو العكس !!!!!!!!!!!!

اختي حاولي انك تحكي مع زوجك بهالموضوع وتنبيه لخطورته في الدنيا وفي الاخرة .......

\

هذي معاه حق فيها وانا زوجي بعد ما يحب ابكي ابد
ونادر نادر ما ابكي ..موكل شويه


حبيبتي لاتعيدين هالكلام .....قلتيه مره و يكفي



والله العالم... يا اما هالرجال ما يتكلمون عن حريمهم بس هو بدل الكلام ..او انهم ما وصفهم الرسول عليه السلام (الديوث) وهو من لا يغار على عرضه

صراحه الله يعينج على سخافته و ثقل دمه
ياخذ اللي سويتيه يوديه المجلس و سكتي له؟؟الله يسامحج




شوفي حبيبتي زوجي اذا اركض وراه يثقل علي
بس اذا ابتعد عنه و اتركه في حاله
وفي نفس الوقت اهتم بالبيت و نفسي
هو اللي يجيني و يصب الكلام الحلو
وانا اثقل
و ما في مانع اعطيه ريق حلو وابادله الإبتسامات



لا يا حبيبتي ما فيج عيب و الكمال لله
و لا تفقدين الثقه في نفسج حبيبتي




ما عليج منه خففي وزنج و العبي رياضه عشان تصقلين جسمج و يصير احلا مش بس حلو

وبقولج وقفي احساسج بالتركيز عليه
كلنا نحب ازواجنا و نهتم فيهم
بس اذا الزوج يحس انج وايد مهتمه فيه ومركزه عليه
تلقين نفسج انتي اللي تركضين وراه
و النتايج هي انج تتعبين
وهو يقعد يتغلا
و الفكره الأساسيه انه زوجج ما ينفع معاه الكلام الكثير و النقاشات الحين
و لا تسويين تغييرات كثيره و كبيره في نفس الوقت
حتى لا تتعبين و تمليين
لأنه و في كل الأحوال ما بيقول في وقت قصير انا راضي
و كل شي زين
بيخاف تبرد همتج و يمكن في كل الأحوال ما يقول
تراهم في الذم يذمون و وقت المدح صامتوووون

بدعي في نفسج بالتدريج و الله يكون في عونج
ويسخر لج زوجج

أمين

امامك فرصة طبقي كلام الاخوات من جميع النواحي
الاهتمام والعناية والجمال والعلاقة الحميمة وعنايتك
بنفسك فيها واسعاد زوجك وكل شئ لازم تلمي فيه تستعيدي زوجك
بس بشرط تحافظي على عزتك وشموخك ولاتهيني نفسك ابدا
:::::::::::::::::::
لكن
الاهم من ذلك
الزمي الاستغفار
قال رسول الله صلى الله عليه وسلم
(من لزم الاستغفار جعل الله له من كل هم فرجا ومن كل ضيق مخرجاورزقه من حيث لايحتسب)
قولي
استغفر الله الذي لا اله الاهو الحي القيوم واتوب اليه مئة مرة
كرريها كثيرا اثناء اليوم
وقومي الليل بسورة البقرة كاملة قسميها حسب قدرتك على الركعات
بنيه الصلاح والاستمرار متيقنة بقدرة الله عز وجل
اختميها بركعة الوتر واجتهدي في الدعاء
شهر وتلاقي اللي يسرك بإذن الله

هذي وصية يقدمها دائما الشيخ الدكتور خالد الجبير لحل مشاكل
كثيرة عسى الله ان ينفعك ويفرج همك ويسخر زوجك لك
ويملكك قلبه وعقلة وكيانة
اللهم انت القادر اجب المضطر ياسميع

ودعواتك لي ربي يجمعني بأهلي وزوجي وبنتي ويلم شملنا يارب