هل استفدتوا من الذكاء الاصطناعي بالنافع؟

هاتي لي واحد سؤال مِن حقاتش😂 اشتي اجرب عليه

ههههههه هههه اسئله بايخه مره وكلها عن نفسي يعني جالسه اخليه يمدحني 🤣🤣🤣وهو يسلك لي
مره جيت استهبل عليه قلت له متزوج ولا عزابي😝😝😝😝

طبعاً استفدت منه وانا اخص ChatGpt لان هو اللي استخدمته اكثر وفادني
مرات اكتب له مكونات لصنف معين مثل خبز العدس او كريب بمكونات مختلفه وغيره من الاشياء واطلب منه يعطيني سعراتها الحراريه وكم فيها بروتين وقيمه غذائيه
ومرات اخليه يقارن بين اصناف معينه من حيث المعدل الجلايسيمي ويعطيني اياهم مرتبه في جدول
ومرات اعطيه مقوله او اقتباس واطلب منه يحطه في تصميم بسيط بمواصفات انا احددها عشان استخدمها في مواقع التواصل .
واستخدمه كثير في الترجمه للغات متنوعه
ومرات اصور له منتج للشعر او للبشره او اي منتج احتاج معلومات عنه ويفيدني بالتفصيل
حتى المسلسلات والافلام تناقشت معاه واقترح لي مجموعة مسلسلات تناسب النوع اللي انا اميل له
وبخصوص الجانب الصحي انا من زمان كنت اخذ معلوماتي من اليوتيوب ومرات مقالات طبيه بالنت وحسابات اهل الاختصاص لكن ما يمنع اني مرات اطرح عليه بعض الاسئله
ومره ذكرت تجربتي اني دخلت معاه نقاش حلل وضعي بالتفصيل بخصوص الحساسيه وجاب لي جذورها النفسيه بناء على تفاصيل انا ذكرتها له ومن يومها الحساسيه عندي خفت بشكل كبير ماشاء الله وصارت تمر علي شهور مرتاحه .. مافيني حيل ابحث وين تعليقي بعالم حواء بس سبق تكلمت عنه
واشياء ثانيه تتعلق بالفلك وبتفسير الاحلام
ورغم كل هذي التجارب اقول لا تثقون في معلومات الذكاء الاضطناعي بعضها غلط وانا سبق سألته عن اشياء للاسف ما اتذكرها حالياً لكن اجوبته كانت غلط يعني لا تعتمدون عليه وتثقون فيه

مفيد جداً، وخصوصاً إذا سألته عن شيء معين وأريد منه إجابة موثوقة أطلب منه يعطيني الشيء من مصادر موثوقة معتمدة. فاستفدت منه الصراحة بدل ما أبحث بروابط على القوقل هو يجيب الموضوع المخصص لعندي.

استفدت من شات جي بي تي بخصوص شغلي بس ما أثق فيه ثقة عمياء ضروري أشيك وراه لأن له أخطاء.
اذا بغيت أشتري منتجات ما قد جربتهم قبل اسأله وفعلا ممتاز من ناحية مقارنة المنتجات والجودة بل حتى الوصف والله يوصف حتى الروائح هههه.
من ناحية المعلومات الطبية لا بأس به كفكرة عامة لكن مو لدرجة التشخيص.
دخلت معاه بكثير نقاشات سياسية وبعضها قديمة وانتهت ورغم انه يدعي الحياد بس يبقى معادي للعرب وللمسلمين في كثير من القضايا ويشكك حتى بأحداث تاريخية محسومة بالنسبة لنا